«Artur é un conto,destinado para prelectores e primeiros lectores,que o escritor Oli e mais o ilustradorMark Taeger veñen de publicar con Faktoría K e que amosa de maneira plástica, e tamén moi expresiva lingüísticamente, o nacemento dun pitiño.»
«Como era de agardar, o desacougo e o medo ante o descoñecido dominan o neonato ata que este finalmente atopa a protección que procuraba. Inquedanza e temores representados pola cor negra que destaca ante a variedade cromática máis luminosa que simboliza unha nova vida»
«O texto de Oli describe de xeito breve aínda que intenso, evocando inevitablemente imaxes nas mentes de nenos e adultos, todos estes sentimentos e o instinto de supervivencia que agroma cando o ser sente que é o momento de saír do acubillo en que foi tomando forma.»
Visto en: Faro da Cultura | Paula Fernández
