O Ministerio de Cultura do estado español ven de conceder os premios Maria Moliner 2011 de animación á lectura ao concello de Oleiros (A Coruña), Tuéjar (Valencia) e Pozoblanco (Córdoba), como recoñecemento aos proxectos de animación á lectura desenvolvidos por estas bibliotecas en concellos cunha poboación inferior aos 50.000 habitantes.
O proxecto gañador deste premio, promovido pola Federación Española de Municipios y Provincias (FEMP) e a Fundación Coca-Cola, ás bibliotecas de Oleiros polo programa “Lecturas refrescantes”, na modalidade de concellos entre 20.001 e 50.000 habitantes. Os concellos premiados recibirán, amais dun lote de 200 libros infantís e xuvenís, un premio en metálico de 12.000 euros.
Outras bibliotecas galegas premiadas nesta Campaña foron: Laracha, Ares, Cambre, Cerceda, Irixoa, Melide, Ortigueira, Outes, San Sadurniño, O Saviñao, Carballiño, Piñor, Ribadavia, Verín, Illa de Arousa, Cambados, Cangas, Meis, Mos , O Grove, Ponteareas, Redondela, Sanxenxo, Tui e Vilagarcía de Arousa.
A Campaña de Animación á Lectura María Moliner enmárcase dentro do actual Plan de Fomento da Lectura desenvolvido pola Dirección Xeral do Libro, Arquivos e Bibliotecas como unha das accións de maior repercusión, e supón unha das actividades dun meirande impacto social, xa que se dirixe a concellos de menos de 50.000 habitantes.
Parabéns ás bibliotecas premiadas
marrego