Notas aclaratorias aos resultados da votación
|
1º Aqueles libros que recibiron indistintamente votos nas categorías de xuvenil e de infantil, sumáronse os votos á categoría máis votada. Por exemplo: O libro das viaxes imaxinarias recibiu votos tanto na categoría de Mellor libro xuvenil como na categoría de Mellor libro infantil. Ao obter máis votos en xuvenil sumáronselle todos os que recibiu na categoría de infantil.
2º Non se contabilizaron aqueles votos sobre libros que non se publicaron no 2008. Por exemplo: O neno do pixama a raias ou De provincia a Nación.
3º Tanto nas categorías de mellor escritor/a como en mellor ilustrador/a do ano non se contabilizaron os votos para autores/ilustradores non galegos.
4º Na categoría de O mellor acontecido no 2008 houbo votos para Xusto Beramendi, para Agustín Fernández Paz e para ámbolos dous. Todos os votos que recibiron individualmente sumáronse ao conxunto, por ser este maioritario.
5º Na categoría de O peor acontecido no 2008 incluíuse como Consellería de Cultura e Deporte todos aqueles votos que contiñan calquera aspecto relacionado con este organismo. Por exemplo: Consellería de Cultura e Deporte, Ánxela Bugallo, política da Consellería de Cultura e Deporte, ...
6º Na categoría de O peor acontecido no 2008 incluíuse como Escritores que morreron no 2008 todos aqueles votos que se recibiron a título individual. Por exemplo: Morte de Camilo Gonsar ou morte de Ramiro Fonte.
7º Na categoría Mellor medio de comunicación Vieiros acolleu todos os votos recibidos como Vieiros e como Cartafol de Libros.
8º En Fervenzas Literarias non reproduciremos os calificativos que nalgunha votación foron destinados a George Steiner.
|