Soportal dos rapaces

Rapaces

» Kalandraka e BATA publican dous novos títulos para lectores con necesidades especiais

Kalandraka e BATA publican dous novos títulos para lectores con necesidades especiais

(17-02-2010) A editorial Kalandraka e BATA (Baión Asociación de Tratamento do Autismo) de Vilanova de Arousa crearon unha nova liña na súa colección de libros de fácil lectura, dirixida a persoas con necesidades educativas especiais como o autismo, a disfasia, o síndrome de Down e outras discapacidades intelectuais. Os dous títulos cos que se inaugura esta nova colección son: Nicolás va de compras e Nicolás cocina sin fuego, ilustrados pola artista pontevedresa Alicia Suárez.

Con esta iniciativa pioneira preténdese contribuir a superar as barreiras de incomunicación con libros de maior concreción e comprensión a nivel escrito e visual poñendo ao dispor dos lectores un material de gran valor informativo para uso cotiá, que lles resulte útil á hora de realizar por si mesmos accións tan habituais e necesarias como cociñar ou mercar. Os textos adaptáronse ao sistema de Símbolos Pictográficos para a Comunicación (SPC) desenvolvido por Roxana Mayer Johnson, que incorpora diferentes cores asociadas ás distintas categorías de palabras: amarelo para designar ás persoas; verde para os verbos; azul para os termos descriptivos; laranxa para os sustantivos que non pertencen a outras categorías; rosa para identificar palabras referidas a actuacións sociais; branco para artigos, cores, conxuncións, preposicións, adverbios.

Estes novos títulos súmanse aos publicados con anterioridade por Kalandraka que adaptaban contos tradicionais e clásicos: El conejo blanco, La ratita presumida, Chivos chivones e El patito feo.