Soportal dos rapaces

Rapaces

» David Pintor ilustra o conto de Hans Christian Andersen As fabas máxicas para a editorial coreana Froebel

» Caderno de animalista obtén o segundo premio na categoría de Infantil e Xuvenil dos galardóns que concede o Ministerio de Cultura aos libros mellor editados

» Gañadores da quinta edición do premio literario Frei Martín Sarmiento

David Pintor ilustra o conto de Hans Christian Andersen As fabas máxicas para a editorial coreana Froebel

David Pintor ilustra para a editorial coreana Froebel o conto 'As fabas máxicas' (14-05-2009) O ilustrador coruñés David Pintor ven de ilustrar para a editorial coreana Froebel o conto de Hans Christian Andersen Jack and the beanstalk (As fabas máxicas). Este libro, que se enmarca dentro dunha nova colección de clásicos infantiles ilustrados por diferentes artistas de todo o mundo, verá a luz no próximo mes de xuño.

David Pintor, despois de traballar para paises como Italia, Colombia e Corea, ten entre os seus próximos proxectos internacionais un auténtico reto, como é o de realizar unha versión en formato album ilustrado do famoso libro de Saint-Exupéry, O principiño, tamén para o mercado asiático. Ademáis, presentará o seu último libro, o caderno de viaxes titulado Ciudades de papel (El Patito Editorial) no 27è Saló Internacional del Cómic de Barcelona (FICOMIC), que se celebrará na cidade condal entre o 29 de maio e o 1 de xuño.

Caderno de animalista obtén o segundo premio na categoría de Infantil e Xuvenil dos galardóns que concede o Ministerio de Cultura aos libros mellor editados

(07-05-2009) O Ministerio de Cultura ven de outorgar os premios aos libros mellor editados. Tras as valoracións do xurado das diferentes categorías, decidiuse distinguir a Caderno de animalista (OQO Editora), escrito po Antón Fortes e ilustracións de A.C. Quarello segundo Premio ao Libro Mellor Editado en 2008 na categoría de Infantil e Xuvenil.

Caderno de animalista, segunda entrega da colección OQart, pretende cos nenos e nenas, e tamén os adultos, se acheguen á historia da arte dunha forma orixinal e creativa, espertando o gusto pola pintura dunha maneira lúdica e atrevida. Tanto Fortes como Quarello reinterpretar no álbum obras xeniais da pintura dos dous últimos séculos.

Estes premios do Ministerio de Cultura non teñen dotación económica pero son moi valorados polos editores ao ser expostos nas principais feiras internacionais do libro. O xurado valorou 377 obras incluídas en cinco grupos temáticos: Libros de Arte, de Bibliofilia, Facsímiles, Infantís e Xuvenís e Obras Xenerais e de Divulgación.

Gañadores da quinta edición do premio literario Frei Martín Sarmiento

Premio Literario Frei Martín Sarmiento 2009 (05-05-2009) Os rapaces falaron. O pasado 30 de abril déronse a coñecer en Vilagarcía de Arousa os gañadores da quinta edición dos premios literarios Frei Martín Sarmiento, que conta cun xurado composto exclusivamente por rapaces de entre seis e dezaoito anos.

Os gañadores desta edición foron:

Na primeira categoría (1º e 2º de primaria): O sorriso de Claudia (Sotelo Blanco) de Xosé Henrique Rivadulla Corcón.

Na segunda categoría (3º a 5º de primaria): A lagoa das nenas mudas (Xerais) de Fina Casalderrey.

Na terceira categoría (6º de primaria a 2º de ESO): O ceo dos afogados (Xerais) de Francisco Castro.

Na carta categoría (3º de ESO a bachelerato): O único que queda é o amor (Xerais) de Agustín Fernández Paz.

O gañador da categoría de adultos darase a coñecer o día 29 de maio nun acto que se celebrará en Ourense. Recordamos que como finalistas están: Made in Galiza (Galaxia) de Sechu Sende, Así nacen as baleas (Galaxia) de Anxos Sumai e Case perfecto (Xerais) de Marina Mayoral.

Este premio, un dos clásicos entre a mocidade galega, está fomentado polos equipos de normalización lingüística da FERE en Galicia.

RECURSOS