Soportal dos rapaces

Rapaces

A Biblioteca Nodal de Pontevedra e BD Banda organizan un obradoiro de banda deseñada

Obradoiro de Banda Deseñada na Biblioteca Nodal de Pontevedra (17-02-2009) Kiko da Silva, Fernando Iglesias e Fran Bueno Capeáns imparten o obradoiro ‘Facer BD: Seminario de técnicas de narración visual’ organizado pola Biblioteca Nodal de Pontevedra 'Antonio Odriozola' e coordinado pola Asociación BD Banda.

O proxecto consiste nun curso para aprender a facer banda deseñada, destinado a persoas de máis de trece anos cuns mínimos coñecementos do medio. O seminario desenvolverase ao longo de seis sesións entre o 19 de febreiro e o 16 de abril.

No seminario abordarase o emprego das ferramentas de debuxo, técnicas para a creación de guión, creación de personaxes, planificación de páxina, técnicas de cor e, finalmente, unha sesión na que se analizarán varios títulos clásicos da historia da BD á luz do aprendido. Os participantes deberán desenvolver diferentes exercicios que serán revisados polos relatores. Finalmente, e tras ter experimentado coas técnicas de BD de maneira directa, analizaranse algúns dos clásicos do mundo cómic.

As datas de delebración do obradoiro serán os días 19 e 26 de febreiro, o 5 e 26 de marzo e os días 2 e 16 de abril rn horario de 19.00 h. a 21.00 h. As prazas son limitadas e xa está aberto prazo de inscrición na propia biblioteca (3ª planta), no correo-e biblio.publica.pontevedra@xunta.es ou no teléfono 986850838.

Descubrir os corpos dun xeito lúdico

(12-02-2009) Divulgar e fomentar a aprendizaxe en galego de coñecementos científicos dunha forma amena e divertida é un dos obxectivos da colección Descubrindo os corpos, que acaba de ver a luz da man de Edicións A Nosa Terra. Trátase dunha serie de manuais de consulta con materiais complementarios en tres dimensións nos que se abordan cuestións relacionadas coa rama das ciencias e, máis concretamente, coa bioloxía, xa que neles se afonda no estudo dos seres vivos desde a perspectiva da súa anatomía.

A secretaria xeral de Política Lingüística, Marisol López e o director da editorial A Nosa Terra, Xosé Puga presentaron onte esta colección onde se destacou a importancia desta clase de proxectos para “fomentar o uso do galego mediante ferramentas que resulten atractivas sobre todo para os máis mozos, e tamén para normalizar o emprego da nosa lingua vinculado a todos os ámbitos da vida, incluído o académico e o científico”.

Descubrindo os corpos ten unha tiraxe inicial de 18.000 exemplares, 3.000 por cada un dos seis títulos cos que arranca esta colección e que están dedicados a descubrir os corpos humano, do dinosauro, da ra, do can, do tiburón e do golfiño.

O responsable de Edicións A Nosa Terra sinalou que de cara ao vindeiro Nadal agardan poder editar algún título máis da colección.

II Premio Literario Escolar Caixanova

II Premio Literario Escolar Caixanova (05-02-2009) Caixanova convoca á segunda edición do Premio Literario Escolar, dirixido a estudantes de Primaria, ESO e bacharelato, co obxectivo de fomentar a lectura e promover a creación literaria no ámbito escolar.

Todos os textos participantes deben ser orixinais e inéditos, escritos en galego ou en castelán, pudendo ser ben traballos poéticos como narrativos. Caixanova fará entrega dun premio por cada nivel tanto aos alumnos gañadores en cada categoría como aos profesores que avalen os seus traballos. O galardón consiste nun equipo informático completo para o estudante e dun ordenador portátil para o docente. O fallo do xurado cualificador, que estará formado por profesionais de recoñecido prestixio no campo da literatura, farase público a través dos medios de comunicación o día 11 de maio de 2009. A entrega de premios terá lugar nun acto literario que se comunicará oportunamente e que contará coa presenza dos galardoados.

[Descargar as bases]

Os oficios centrarán as actividades do mes de febreiro na libraría Libros para soñar

Programa Libros para Soñar (05-02-2009) O novo traballo musical do grupo MamaCabra, titulado Todos os animais ao caixón, no que colabora tamén a profesora Susa Herrera abrirá o venres 6 de febreiro, ás 18.30 h., as actividades para o mes de marzo da libraría viguesa Libros para Soñar (R/ Triunfo, 1). O programa de actividades da Libraría para este mes de febreiro está adicado aos oficios, polo que a música será a profesión da que mañá falarán os convidados á sesión de animación á lectura.

O vindeiro venres día 13 o invitado especial será José Villar, que lles contará aos nenos e nenas que se acheguen en que consiste o seu traballo como bombeiro.

Para a semana seguinte, a libraría celebrará a Festa de Entroido, cunha sesión de contos e un taller de maquillaxe. Pechará as actividades do mes a sesión protagonizada polos “pallasos lectores”.

Durante febreiro, a sala de exposicións de Libros para Soñar amosa unha escolma das ilustración do libro O nacemento do dragón (Faktoría K) ao que se adicou a sesión anterior, sobre o Día Escolar da Paz.

A entrada a todas estas actividades é de balde.

RECURSOS