|
Prelectores
|
|
|
A
nena e o grilo
Magín
Blanco (Texto) e Iván Prieto (Ilustracións)
OQO
64
p. + 1 CD ; 20 €
|
|
Dun xeito sinxelo, delicado e sutil, a historia de amizade entre a
nena e o grilo descobre dimensións determinantes da existencia e abre
horizontes positivos e ilusionados, na construción de nós mesmos e a
sociedade.
Estamos ante unha obra ambiciosa e cosmopolita que invita a ter fe
na vida e nos outros a través dunhas cancións que reparten aloumiños a
eito e amosan un mundo inconformista nas letras e unha concepción
musical orixinal e esixente para nenos e nenas de todas as idades.
Ao mesmo tempo, é un material, para todos os que traballan e apostan
por un ensino aberto, innovador e significativo, no marco dos problemas
e os cambios sociais que teñen lugar na realidade.
En conclusión, un chisquiño de mel neste mundo egoísta e feroz que habitamos. Para fuxir do frío e sentirse moradores no verdadeiro País das Apertas porque as cancións de Magín Blanco son, tanto pola melodía como pola letra, para degustar en familia, nas festas, entre amigos.
|
|
|
Yared
e a escola
Analia
Pérez Otero (Texto) e Pablo Álvarez Rosendo (Ilustracións)
Nova
Galicia
32
p. ; 12,50 €
|
|
A Yared non lle gusta a escola. Cre que é un sitio aburrido e non
entende por que ten que ir cada día. Nesta historia, Yared ofrécenos
unha visión positiva da escola, como un lugar onde cada día é diferente
e onde podemos aprender moitas cosas.
|
|
|
Punver
de volta
Yolanda
Castaño (Texto) e Eduardo Hermida (Ilustracións)
Galaxia
36
p. ; 9,30 €
|
|
Punver é un verme moi punki e tamén moi despistado: mentres non atope o camiño non o dará endereitado.
|
|
|
|
Infantil
|
|
|
Olga
e o dinosaurio
Breogán
Riveiro (Textos) e Andrés Meixide (Ilustracións)
Galaxia
92
p. ; 9,70 €
|
|
Se aparecese de súpeto un dinosauro no teu cuarto, ben seguro que te asustarías.
Pero este dinosauro é un chisco especial, e iso vai descubrilo Olga
dende o primeiro instante, pois é un animal ben intelixente, curioso e,
sobre todo, sorprendente.
|
|
|
Bon
appétit
Begoña
García Ferreira (Texto) e Fran Pedreira (Ilustracións)
Baía
56
p. ; 9 €
|
|
Gañadora na modalidade de teatro para nenas e nenos do Barriga Verde 2009, Bon appétit
é unha peza de estrutura clásica que ofrece un canto á gastronomía, en
que están "moi ben aderezados" os ingredientes dramáticos e culinarios,
ademais de adaptarse perfectamente ao teatro de monicreques.
|
|
|
Máis
respostas ás preguntas que nunca te fixeches
Philippe
Nessmann (Texto) e Nathalie Choux (Ilustracións) [Trad.
de Emma Lázare]
Faktoría
K
130
p. ; 16 €
|
|
“Máis
respostas ás preguntas que nunca te fixeches” responde
a máis de 100 preguntas inéditas, pero sempre
a serio e con bo humor. Un descubrimento orixinal do universo,
dos homes, da natureza e dos animais, do inmenso ao minúsculo.
Unha nova ocasión para poñer a proba os pais,
os profes, e os compañeiros.
Despois
da súa exitosa primeira parte, “Todas as respostas” segue
saciando a curiosidade dos lectores máis inquedos, interesados
no que, como, cando, onde e porqué do que nos rodea.
Esta nova entrega aborda oito grandes áreas nas que se
ofrecen solucións ás preguntas máis inesperadas.
Mantén a súa presentación, a modo de caderno,
e a súa estrutura narrativa, de xeito que ao final de
cada resposta se engade unha nova cuestión relacionada
co tema tratado, ampliando os coñecementos recén
adquiridos.
A
existencia ou non de seres extraterrestres, as etapas polas
que atravesou a vida no noso planeta ou cal é o fósil
vivinte pertencente ao reino vexetal son algunhas das cuestións
que se expoñen nos apartados sobre o Universo, a Terra
ou as prantas. A identidade do ser que representa o 80% da masa
total dos animais terrestres, as diferenzas entre animais de
sangue quente e fría, ou as habilidades lingüísticas
do hombre de Cromañón son preguntas referidas
á evolución humana e aos seres vertebrados, tanto
grandes como de pequeno tamaño. Tamén se pode
aprender sobre reciclaxe ou formulación química
nas seccións de ecoloxía e de misterios científicos.
|
|
|
|
Xuvenil
|
|
|
A
princesa e o trasno
George
MacDonald [Trad. de Xabier Cid]
Urco
210
p. ; 15,95 €
|
|
A princesa e o trasno é un dos pouco coñecidos alicerces da
literatura fantástica moderna escrita en forma de conto de fadas. Entre
os herdeiros da narrativa de MacDonald cabe destacar a Tokien e a C.S.
Lewis, grandes figuras da fantasía do século XX que lle deben non pouco
aos escritos do autor escocés. Trátase dunha novela par todos os
públicos, tanto nenos como adultos, aínda que, como ocorre con outras
obras como as de Lewis Carrol, está preñada de simbolismos e segundas
lecturas que fan que o lector adulto ache na lectura das súas páxinas
un intenso pracer, amplificado polas fermosas ilustracións de Arthur
Hughes que se reproducen nesta edición.
|
|
|
Enigma
soterrado
Fausto
Isorna
Fundación
Caixa Galicia
48
p. ; 10 €
|
|
Enigma Soterrado é
o novo álbum das Aventuras de Simón Martel.
A obra de Fausto Isorna preséntase en formato
apaisado e conta unha nova historia das aventuras protagonizada por
Simón Martel e os personaxes xa habituais da serie, a máis lonxeva da
banda deseñada galega.
|
|
|
A
idade do orballo
Xosé
Lois García (Texto) e Manolo Uhía (Ilustracións)
Everest
64
p. ; 8,50 €
|
|
A idade do orballo conxuga dúas expresións
que consolidan a creatividade narrativa do autor: o real e a ficción.
Dous contextos que trascenden unificados e sen perder cada un deles a
súa identidade e atribución.
Un auténtico inventario de formulacións e referencias á terra, ao home
e con recorrencia ao mito e á historia, todo en clave de ficción.
|