|
Prelectores
|
|
|
Os
de arriba e os de abaixo
Paloma
Valdivia (Textos e ilustracións) [Trad. de Manuela Rodríguez]
Kalandraka
36
p. ; 13 €
|
|
Este
álbum destaca pola sinxeleza e orixinalidade da súa
proposta narrativa e estética. Parte da concepción
do mundo ao revés, dunha especie de reflexo da realidade
nunha dimensión paralela.
Lonxe
de imaxinar que practican estilos de vida diferentes ou antagónicos,
o plantexamento consiste en que son mundos que conviven, comparten
costumes e se complementan, coa única diferenza de que
os acontecementos transcorren en planos opostos... que se se
dobran, poden atoparse e coincidir. Un álbum para ler
do dereito ou do revés, a gusto do lector; ideal para
compartir a dúas bandas.
As
ilustracións preséntannos unha peculiar veciñanza,
con personaxes de formas básicas, esceas simétricas,
cores suaves e cálidas.
|
|
|
Cocorico
Marisa
Núñez (Textos) e Helga Bansch (Ilustracións)
OQO
36
p. ; 11,90 €
|
|
Cocorico
é un poliño que vive feliz coa súa nai. Un día que Mamá Galiña vai facer
biscoito, o pitiño ofrécese a ir pola leña para acender o forno. Cando está en
plena faena, aparece un gato enorme e malvado que o quere devorar. De milagre,
Cocorico salva a vida porque lle promete que lle dará a metade da merenda.
Mais, unha vez pasado o perigo, o lambón de Cocorico esquece o trato e come o
biscoito enteiro. A mamá anóxase: vai vir gato pelado e vaite comer dun bocado!
Nisto escoitan un ruído na porta: É gato pelado reclamando a súa metade de
biscoito…
Cocorico
constitúe unha adaptación libre dun conto tradicional birmano co que os máis
pequenos aprenden a compartir, a cumprir as promesas e a escoitar os consellos
daqueles que saben máis.
O
pitiño provoca a furia do Gato ao non lle deixar ren da merenda, porén, coa
axuda da comprensiva Mamá Galiña, sempre protectora co seu pequeno, este
acabará por aprender a lección.
|
|
|
Grisela
Anke
de Vries (Textos) e Willemien Wim (Illustracións) [Trad.
de Arianne Faber e Pilar Martínez]
Faktoría
K
32
p. ; 13 €
|
|
Un
día, Grisela atopouse moi triste, tan triste coma o seu
pelame gris.
«Teño
que facer algo», pensou.
Colleu
un bote de pintura vermella e dixo:
-Se
me pinto dunha cor alegre, seguro que me poño contenta.
...Probou
con todas as cores, pero Grisela non se sentía mellor
pintándose de ningún xeito: nen de vermello, nen
de verde, nen de amarelo, nen a raias, nen de flores porque
os demais animais facían burla dela. Entón meteuse
na auga...
Un relato sinxelo sobre a importancia de ser un mesmo, que se
complementa con imaxes xoguetonas, que resaltan sobre fondos
limpos, recurtando as figuras. A composición visual combina
a cor con aplicacións de lapis e papel, a modo de collage.
|
|
|
|
Infantil
|
|
|
Dunha
vez era... unha montaña
Ánxeles
Ferrer (Textos e ilustracións)
Everest
Galicia
48
p. ; 6,75 €
|
|
Llum é o fogar de moitos animais e de moitas
plantas. Nunha das súas abas acubilla unha pequena vila á que lle gusta
agarimar e protexer. Pero un día esperta a cobiza dos seus habitantes e
a montaña, ao ver o regueiro de destrución que os homes deixan ao seu
redor, acaba por se converter en terra queimada. Moi lonxe de alí, unha
nena soñará con Llum e conseguirá reanimar o seu maltratado corazón de
cinza.
|
|
|
Pingueiras
e tarteiras
Teresa
González Costas (Textos) e Rodrigo Chao Blanco (Ilustracións)
Xerais
80
p. ; 13,50 €
|
|
No Castelo Grisallo todo é gris: desde o
maimiño da raíña Otilia ata a súa cunca de porcelana inglesa. E tamén
chove moito. A Súa Maxestade xa está cansa de colocar tarteiras debaixo
das pingueiras. Pero un día chegan pola porta os catro membros do Circo
do Paraugas: Chapeu Torto, o director-capitán; Culleriña, a
funambulista-tripulante; Pelo Teso, o mimo-tripulante e Zapatóns, o
pallaso-tripulante. Na sala do Castelo Grisallo, onde todos os días
eran iguais, os membros do Circo do Paragugas coas súas brincadeira e
xogos rematarán co soberano aburrimento. Pouco a pouco os membros desta
compañía de circo -que outrora fora esplendorosa- daranlle cor a tanta
monotonía. E farán que a mesma choiva soe a música: a música das
pingueiras nas tarteiras.
Pingueiras e tarteiras de Teresa
González Costa, a peza gañadora do IIIº Premio Manuel María de
Literatura Dramática Infantil, foi definida no ditame do xurado como
unha "apoloxía da ledicia e da fantasía que ofrece unha visión atípica
e desmitificadora de personaxes arquetípicos”. Unha obra que recorre a
xogos de palabras para contar como a chegada dunha compañía de circo
cambia a vida gris dun castelo.
|
|
|
Kali
Amparo
Gómez Cuerpo
Ir
Indo
64
p. ; 10 €
|
|
Nunha mestura fantástica de mito e realidade desenvólvese esta historia
chea de misterio e intriga. Nela cóntase o que lle pasou a Kali, unha
nena xitana. A partir da vida dos seus antepasados móstranse os
costumes deste pobo desde a súa aparición na Europa do século XV ata os
nosos días.
|
|
|
|
Xuvenil
|
|
|
Makinaria
Carlos
Negro
Xerais
80
p. ; 10,45 €
|
|
Makinaria de Carlos Negro é unha aceleración
poética de cero a cen en tres segundos. Se tes arredor de quince anos,
vas de malote e mallas na música, este pode ser o teu libro; un libro
de versos co depósito cheo de gasolina, testosterona e alcohol; un
libro de versos tuneados, maqueados de furia xuvenil, sen máis límite
que o do contaquilómetros que sinala unha ruta suicida; un libro de
versos sen final feliz: porque a Morte converte a euforia en chatarra,
porque só admite como meta o destino cemiterio.
|
|
|
O
peto de cartón. Conversas cun vello mestre
Manuel
Mariño del Río
Toxosoutos
104
p. ; 7 €
|
|
O Peto de cartón. Conversas literarias cun vello mestre traza unha
historia da lingua e da literatura galega a través dos diálogos entre
Xacobe, un mozo de catorce anos, e un mestre xa xubilado.
O relato,
ambientado na vila de Porto do Son, fornécese, ademais, dun trasfondo
mariñeiro no que o mar, a vida e a morte están presentes nos cantís do
tempo.
|
|
|
A
herdanza do marqués
Conchi
Regueiro (Textos) e Noemí López (Ilustracións)
Baía
296
p. ; 13 €
|
|
Zoila nin imaxinaba que un sitio como Vilacardoso podía encerrar tantos
segredos escuros. Bastante fora con deixar a cidade, as vellas amizades
e, sobre todo, a Jonathan.
Xandra ben coñece eses enigmas: forma
parte deles, tan ao seu pesar. Esa ancestral maldición dos Corredores
da que nin ela nin a súa familia conseguen fuxir e que tanto lle
complica a vida.
A
herdanza do marqués é a
historia da súa amizade, das sombras ameazantes que espreitan, da vella
historia da casa Ervedelo e da aínda máis antiga dos Negro e o Marqués
de Vilacardoso, da calor abafante, das lendas sinistras e das ofertas
temibles. Coidas que serás capaz de pasar as súas páxinas sen ter
arrepíos?
Escrita en primeira persoa por cada unha das
protagonistas desta intrigante historia, mostra dous vehículos
distintos e, á par complementarios, de narrar: o tradicional, en que
Xandra nos fai partícipe das súas preocupacións e vivencias
directamente, e o propio das charlas pola Internet, en que Zoila non se
dirixe directamente ao lector, senón aos seus amigos da cidade. Pode
verse, tamén, como un xogo de irmandade entre o rural e o urbano, entre
a modernidade e a tradición, entre o pasado e o presente, posto ao
servizo da resolución dun enigma que condiciona os dous mundos.
|