|
Prelectores
|
|
|
Picurruchos
Mar
Pavón (Textos) e João
Vaz de Carvalho (Ilustracións)
OQO
40
p. ; 12,50 €
|
|
Nesta divertida e orixinal historia sobre o
absurdo de certas prohibicións, Mar Pavón da vida a unha galería de personaxes
surrealistas que nos atrapan desde o primeiro intre, ao tempo que o ilustrador
luso João Vaz de Carbalho sae
airoso do reto de facernos visibles a uns curiosos protagonistas asumindo esa perspectiva
fantasiosa que envolve unha proposta que, sobre todo, invita ao sorriso.
O artista portugués desprega unha xenerosa paleta cromática de cores cálidos, na
que brancos e vermellos marcan a pauta dunhas ilustracións de clara orientación narrativa, que complementan a proposta
literaria mantendo un delicado equilibrio estructural na carga informativa
aportada en cada unha das dobres páxinas nas que se desenvolve a historia.
A tipografía é clave para remarcar algúns momentos narrativos que
sustentan a historia, ao tempo que permiten unha lectura cómoda; o seu papel neste
álbum é importante, sobre todo na parte final do libro, onde a peripecia se
resolve coa achega do narrador, que propón unha solución ao problema do relato
e pecha unha obra chea de humor de principio a fin.
|
|
|
Colega
1. Comprensión e lectoescritura en galego
Mª
Teresa Fuciños Castro, Mª del Carmen García
Vila e Mª José Rodríguez Ares
Glía
Edicións
|
|
A colección
COLEGA, COmprensión e LEctoescritura en GAlego,
está composta por 5 volumes no que o/a neno/a aprenderá a ler e
escribir correctamente adecuando a aprendizaxe ao seu ritmo. Estes
novos cadernos contan cun vocabulario adaptado a última normativa do
galego, cubrindo un baleiro existente reclamado polos profesionais da
educación.
Neste primeiro volume trabállanse as
letras m. p, s, l, t, d, f e n.
Nel, ademáis das actividades habituais neste tipo de cadernos,
inclúense exercicios de grecas, conceptos básicos, discriminación
auditiva e visual, comprensión, series e xogos. Este método
permitiralle ao rapaz adquirir as habilidades precisas para o seu
desenrolo na lectoescritura dun xeito máis ameno.
Cada libro conta cun completo
anexo que inclúe: Ditados, Glosario e Material manipulable.
|
|
|
Esta
é a miña familia
María
Cristina González Pereira (Textos) e Manel Craneo (Ilustracións)
Everest
Galicia
36
p. ; 6 €
|
|
As
familias están formadas por persoas e, igual que cada
un de nós temos unhas características determinadas
que nos fan únicos e especiais, as familias ás
que pertencemos tamén posúen uns costumes, unhas
crenzas ou unha estrutura diferentes.
O
respecto, a tolerancia e o cariño son os elos da convivencia
e garanten un futuro harmónico e enriquecedor para todos
nós.
|
|
|
|
Infantil
|
|
|
Érguete
Carmen
Baz (Textos) e Marta Rivera Ferner
(Ilustracións)
Everest
Galicia
48
p. ; 6,75 €
|
|
Son
moitas as cousas que facemos ao longo do día e tamén
son moitas as persoas coas que compartimos o noso tempo.
Na
vida, coma nos xogos, debemos aprender e aplicar unha serie
de normas se queremos que esta sexa máis agradable e
divertida.
|
|
|
Kafka
e a boneca viaxeira
Jordi
Sierra i Fabra (Textos) e Minia Regos (Ilustracións)
[Trad. de Carmen Torres París]
Galaxia
164
p. ; 11,50 €
|
|
Velaquí un libro que fala dun misterio: o que xunguiu o escritor Franz
Kafka cunha nena que perdera a súa boneca. Para consolala, o grande
escritor foille contando, a través de cartas, o periplo polo mundo da
boneca perdida.
Premio Nacional de Literatura Infantil e Xuvenil 2007
|
|
|
Furacán
Txabi
Arnal (Textos) e Neus Bruguera (Ilustracións)
[Trad. de Manuela Rodríguez]
Kalandraka
40
p. ; 15 €
|
|
Comezou sendo unha brisa agradable. Moi agradable. Pouco a pouco a
brisa gañou velocidade. Converteuse en vento, por veces trouleiro, por
veces molesto. Despois o vento soprou con máis forza, con carraxe, e
transformouse en vendaval, un vendaval que roubou as follas das
árbores, os chapeus das cabezas, as tellas dos tellados e o equilibrio
dos ciclistas. O vendaval medrou ata converterse nun furacán.
Txabi
Arnal presenta un relato de gran beleza literaria construido a partir
da idea do ‘efecto bolboreta’, un concepto que tamén enlaza coa ‘teoría
do caos’. O seu nome provén do proverbio chinés segundo o cal o bater
de ás dunha bolboreta pódese sentir ao outro lado do mundo.
|
|
|
|
Xuvenil
|
|
|
O
contador de estrelas
Jaureguizar
Obradoiro
170
p.
|
|
Antía estaba certa de que aquel ía ser o verán máis aburrido da súa
vida. Debía botar dous meses acompañándo á nai nunha base do servizo
antilumes, no medio dunha chaira seca e calorosa. Pero cando coñeceu a
Enver todo mudou; el abriulle a porta da astronomía e do namoramento.
Xuntos enfrontaron os incendios que provoca o misterioso Piloto
Vermello. Aquel verán acabou sendo o dos maiores lumes e o incendio
máis xigantesco que coñecera o corazón de Antía.
O contador de estrelas é unha novela sobre o derrubamento da
candidez, sobre o salto sen rede á madureza dun ha rapaza que ve como o
amor, a amizade, a aventura e a mentira lle dan a volta á súa visión
inocente da realidade.
|
|
|
Bícame
profe 4
Kazuma
Kodaka [Trad. de María do Carme Pampín Otero]
Cumio
194
p. ; 8,90 €
|
|
Despois de que Masami-san confesase ao seu pai que mantén unha relación con Toru-kun, este irá aceptándoa pouco a pouco.
.
|
|
|
Ás
de bolboreta
Rosa
Aneiros
Xerais
232
p. ; 12,50 €
|
|
Na “Luzada”, a cafetaría de Patricia, conflúen
cada mañá os camiños que transitan os personaxes d’ As de bolboreta, a
novela de Rosa Aneiros gañadora do Premio Fundación Caixa Galicia de
literatura xuvenil 2009. O de Manuel, un neno de orixe africana, a quen
lle morreu a súa nai adoptiva, que comparte varias horas do día co seu
avó. O de Lola e Eusebio, un matrimonio de persoas maiores que viven
soas e deben enfrontar as difíciles decisións que esixen a vellez e a
aparición da enfermidade. O de Iqbal, un mozo de pais paquistanís que
decidiu marchar de Londres tras os atentados terroristas no metro de
2005. O de Aysel, unha kurda que manifesta a impotencia que sente pola
indiferenza con que a comunidade internacional acolle a represión
exercida contra o seu pobo por parte do goberno turco. O dos alpinistas
do monte Gurugú, dous mozos nixerianos que tentan atravesar o valado da
fronteira de Melilla para poder reunirse coa súa tía, que agarda todos
os días no bar unha chamada que confirme a chegada dos seus sobriños a
Galicia. E tamén o de Paco e Adolfo, dous homes covardes que non
aprenderon a considerar as súas mulleres como compañeiras de viaxe, e o
da señora Filomena, e o de Ana, e o de Fiño…
|