|
Prelectores
|
|
|
Os
tres porquinhos
Raquel
Méndez (Textos) e Helga Bansch (Ilustracións)
OQO
Editora
36
p. ; 11,50 €
|
|
O porquiño
máis novo non tiña moitas ganas de traballar e fixo, para resgardarse, unha
casa de palla. O mediano traballou máis e fíxoa de madeira e o máis vello
traballo moito para construír unha casa de ladrillo. E cando chegou o lobo e
soprou e soprou...
”Os tres porquiños” é unha das narracións tradicionais máis coñecidas e de
maior aceptación entre os máis pequenos. Bruno Bettelheim, na súa “Psicanálise
dos contos de fadas”, destaca a simboloxía que posúen os personaxes, as accións
que realizan e o desenlace como metáforas do proceso de crecemento e
desenvolvemento da personalidade. O neno, segundo Bettelheim, identificándose
con cada un dos tres personaxes, aprende, sen ter conciencia diso, que as
persoas evolucionan e que medrar ten grandes vantaxes. Así, é o porquiño máis
vello quen finalmente vence ao inimigo,
combinando o esforzo do traballo, a intelixencia e a planificación racional.
Os tres animais simbolizan a evolución e o progreso do ser humano, desde un
estado de inmadurez, ata a condición de quen sabe enfrontar os conflitos de
forma intelixente, permitindo ao neno que saque as súas propias conclusións.
Manténdose fiel a tan coñecida historia tradicional, este álbum brinda unhas
imaxes sinxelas e divertidas que xeran un discurso visual susceptible de ser percibido
con gran facilidade. Helga Bansch, unha vez máis, dá clara mostra da súa
empatía co lector infantil, xogando coa expresividade dos personaxes e cos
pequenos detalles que enriquecen cada ilustración, e que nos estimulan e nos
convidan a abrir o libro unha e outra vez.
|
|
|
Discurso
do oso
Julio
Cortázar (Texto) e Emilio Urberuaga (Ilustracións)
[Trad. de Xosé Ballesteros]
Kalandraka
Editora
26
p. ; 13 €
|
|
No
verán nado de noite
na
cisterna picada de estrelas,
lávome
a cara primeiro cunha man,
despois
coa outra, despois coas duas xuntas,
e
iso prodúceme unha grandísima ledicia. (Julio
Cortázar)
Un oso que habita nos canos dun edificio vai descubrindo a estraña e
solitaria vida dos seres humanos. Trátase dunha historia asombrosa,
fiel expoñente da literatura de Julio Cortázar, que incluiu este relato
no seu libro "Historias de cronopios y de famas", considerado polo
autor arxentino Alberto Cousté como "unha sorte de ética, disfrazada
polo humor e protexida da solemnidade pola tenrura".
Un oso que habita nos canos dun edificio vai descubrindo a estraña e
solitaria vida dos seres humanos. Trátase dunha historia asombrosa,
fiel expoñente da literatura de Julio Cortázar, que incluiu este relato
no seu libro "Historias de cronopios y de famas", considerado polo
autor arxentino Alberto Cousté como "unha sorte de ética, disfrazada
polo humor e protexida da solemnidade pola tenrura".
Cortázar reúne nesta obra unha sucesión de situacións imposibles,
retazos do seu humor surrealista que socavan o racionalismo trivial e
mecanizado, cos que expresa a súa rebeldía contra os obxectos e as
persoas que constitúen a nosa vida cotiá e a nosa maneira mecánica de
relacionarnos con ela.
|
|
|
Don
Pol e o pequeno Pin
Max
Portela (Textos) e Rodrigo Chao Blanco (Ilustracións)
Baía
Edicións
36
p. ; 12 €
|
|
Pin é un cangrexiño desesperado por sentirse deforme, tralo encontro co
vello polbo don Pol descobre quen é. E agora ten que escapar dos
tentaculos do polbo...
|
|
|
|
Infantil
|
|
|
Porgy
and Bess
George
Gershwin (Textos) e Daniel Jiménez (Ilustracións)
[Adapt. de Joan de Déu Prats] [Interpretación
musical de Ella Fitzgerald e Louis Armstrong]
Kalandraka
Editora
40
p. ; 20 €
|
|
"Porgy
and Bess" é unha ópera composta por George
Gershwin con textos da súa irmá Ira Gershwin e
de DuBose Heyward, autor da novela. Trata sobre o estilo de
vida afroamericana nunha rúa de Charleston, en Carolina
do Sul, a principios da década de 1930.
Malia
que inicialmente foi concebida como unha 'ópera folclórica'
dos Estados Unidos, acabou aceptándose lexitimamente
como unha ópera a finais da década dos 70 e actualmente
forma parte do repertorio de ópera estándar.
De
"Summertime", a parte máis coñecida
desta obra, existen numerosas interpretacións, como a
que protagonizan neste libro-disco Ella Fitzgerald e Louis Armstrong.
Os críticos valoran desta composición a súa
síntese innovadora das técnicas orquestrais europeas
co Jazz e a música folk estadounidense.
|
|
|
O
bastón dos desexos
Ramón
Caride (Textos) e Manuel Uhía (Ilustracións)
Planeta
& Oxford
57
p. ; 6,50 €
|
|
Velaquí a fantástica aventura que viven Manporquiño, Murrigato, Caracol
Col e Murrato logo de atopar un bastón máxico.
Mal Podeían imaxinar aquela tarde ao saíren do cine que acabarían perdidos en Australia e traballando nun circo...
|
|
|
As
fábulas de Leonardo da Vinci
Leonardo
da Vinci (Textos) e Rossana Casano (Ilustracións)
Edicións
do Cumio
32
p. ; 15 €
|
|
“Unha folla de papel, que se encontraba sobre un escritorio xunto con
outras follas iguais ca ela, atopouse un bo día toda chea de signos.
Unha pluma, mollada de tinta negrísima, trazará sobre a folla de papel
unha morea de debuxos e palabras…
Xa non es unha folla de papel, desde agora serás unha mensaxe, e
ademais custodiarás o pensamento do home.”
Cunha coidada edición delicadamente ilustrada aparecen As Fábulas
de Leonardo, volume que recolle pequenos textos de valor simbólico
escritos por Leonardo da Vinci baixo a fórmula dunha fábula moi próxima
ao poético. A obra descubrirá aos lectores a faceta menos coñecida do
xenio renacentista.
|
|
|
|
Xuvenil
|
|
|
As
pedras do destino
Óscar
Losada
Tambre
128
p. ; 9 €
|
|
Estamos no ano 1988. Comeza a primeira Intifada en Palestina, mentres en Irlanda do Norte continúa un
inmobilismo político que só alenta o extremismo. Malia estar a moitos quilómetros de distancia, un
adolescente palestino e outro irlandés levan vidas paralelas. Os dous, un en Nablús e o outro en Derry,
implícanse no activismo político e apoian con accións a causa do seu pobo. Os dous, asemade, empezan a descubrir o amor.
|
|
|
A
revolución dos globos
Alfonso
Álvarez Cáccamo
Galaxia
296
p. ; 13 €
|
|
Dentro deste libro latexa a vida. Tamén latexa esoutra forma de vida que é o recordo.
Lembrar é unha das experiencias máis humanas que existen, sobre todo
lembrar aquilo que un nunca viviu, como acontece con Gurzonia, un país
que non existe, mais existe porque se alicerza na creatividade do mundo
infantil. Con estes bimbios está construído este artefacto literario
que é algo máis ca unha novela.
Presente e pasado, realidade e ficción, lembranza e invención se
mesturan maxistralmente coa presenza constante dun sutil humorismo.
|
|
|
A
noite que Wendy aprendeu a voar
Andreu
Martín [Trad. de Ignacio Chao Castro]
Xerais
de Galicia
160
p. ; 10,10 €
|
|
Roger Dueso e Wendy Aguilar inician a garda cun
sesenta, o código que na comisaría alerta dun asasinato, mais este caso
non será de xente corrente. O homicidio levaráos a descubrir unha
cámara secreta onde desapareceu unha valiosa alfaia envolta nun
misterio, cuxo roubo non foi denunciado por ninguén. Esta é unha novela
trepidante na que a moza policía deberá enfrontarse por si mesma con
asasinos perigosos; terá que correr, loitar e facer uso da pistola;
coñecerá o fondo do mar, saltará abismos pavorosos e verá a morte de
moi preto. Esta será a noite na que Wendy aprenda a voar. Esta novela
de Andreu Martín foi merecedora do Premio Bancaixa de Literatura
Xuvenil 2007.
|