|
Prelectores
|
|
|
A
casa redonda
Paula
Carballeira (Textos) e Manuel Uhía (Ilustracións)
Baía
Edicións
32
p. ; 6,95 €
|
|
Wapiti vivía nunha casiña redonda, unha casiña de xeo, un iglú. Pero a
medida que foi medrando e aprendeu a andar, a casa foille quedando
pequena... Así empeza a historia da relación de Wapiti coas casas e o
mundo.
Baía Edicións saca ao mercado unha nova colección de contos para nenos
e nenas de educación infantil, a colección CEMPÉS, para que os máis
pequenos se recreen nun mundo de historias e imaxes que potencien a súa
fantasía. Neles, a imaxe é tan ou máis importante que a letra en si.
Especialmente pensados para ler e mirar en familia.
|
|
|
Soidades
Neus
Moscada (Textos) e Chiara Fatti (Ilustracións) [Trad.
de Paco Liván]
OQO
Editora
40
p. ; 11,5 €
|
|
Hai momentos nos que me gusta estar soa, porque só estando soa oio as
pingas de auga que deciden o mellor instante para lanzarse desde as
nubes e só así podo cheirar o verde do campo...
A protagonista desta historia fala en primeira persoa e vainas contando
e guiando polas súas percepcións, os seus sentimentos. Por momentos
achéganos a eles e fannos cómplices desa intimidade, desa sensación de
liberdade que lle invade ao estar soa e poder facer cousas coma falar
coas libélulas, contarlle secretos a lúa, escoitar a música do
silencio; sensacións que poderá compartir... cando non estea soa.
Con frecuencia a soidade está asociada a sentimentos negativos. Como
concepto, o seu significado é complexo, pois evoca un estado ou
situación que provoca emocións e sensacións ás veces encontradas:
tristeza, abandono, perda; pero tamén tranquilidade, satisfacción,
benestar, creación...
A soidade pode ser considerada un problema cando non a eliximos, non
sabemos convivir con ela ou sair dela; pero tamén pode ser unha
experiencia necesaria, unha oportunidade para atoparnos con nós mesmos,
os nosos pensamentos, os nosos soños...
Neus Moscada e Chiara Fatti móstrannos como a soidade se transforma en
saña, en cor, en diálogo coa natureza... Nunha orixinal proposta
plástica, a ilustradora sorpréndennos cun inversión de fondo/figura, na
que os primeiros planos aparecen en branco e negro e só os fondos
posúen cor. Metáforas e sinestesias en texto e imaxe que nos farán
afondar en sentiméntos e sensacións. Para un público sen idade.
|
|
|
Quen
fala? As partes do corpo opinan
Taro
Gomi [Trad. de Maki Fukuhara e Chema Heras]
Faktoría
K
32
p. ; 14 €
|
|
Estaba
Pablo paseando tan tranquilo cando, de súpeto...
«Ui!
Isto que é?», di un dedo.
«Ah!
É o caramelo que me deron o outro día»,
di
a cabeza recordando.
«Foh!
Que sucio! Está cheo de peluxe!», din os ollos
ao velo....
Trala
publicación de “A bañarse!”, o deseñador
xaponés Taro Gomi propón estoutro álbum
de achegamento ao corpo humano a través dos sentidos
e das partes das que consta. Ademais de gozar das ilustracións,
realizadas dun xeito semellante ás que fan os cativos
cos seus debuxos, esta obra tamén é unha ferramenta
de apoio para nais, pais e mestres, á hora de axudaren
os nenos a gañar en autonomía e coñecemento
sobre si mesmos.
A
linguaxe infantil está presente ao longo de todo o libro,
con onomatopeias, xogos visuais e de palabras que o convertirán
nunha obra cercana e atractiva. Unha das características
da obra de Taro Gomi é a liberdade creativa e a tendencia
a rachar convencións impostas polo pudor da sociedade.
Desta maneira, o ilustrador aposta por reflectir a nudez do
neno con total naturalidade.
|
|
|
|
Infantil
|
|
|
Lendas
da noite de San Xoán
Carlos
Labraña (Textos) e David Pintor (Ilustracións)
Everest
Galicia
36
p. ; 6,75 €
|
|
Na
noite de San Xoán celébrase unha das festas máis
ricas en lendas, crenzas e costumes da nosa cultura. É
unha noite máxica na que todo pode ocorrer, desde desencantamentos
de mouras até todo tipo de bromas protagonizadas por
bandas de mozos. Por certo, lembrade apañar as herbas
de San Xoán, amarralas nun feixe, colocalas nun cazo
cheo de agua e deixalas fóra toda a noite. Cando vos
ergades á mañá, con esa agua, lavade a
cara, os pés... para así purificar a corpo.
|
|
|
O
autobús da selva
Manuel
Uhía
Tambre
40
p. ; 7,2 €
|
|
A tartaruga Pepa é deses seres dispostos
sempre a axudar aos demais. Unha tarde, un ratiño mancado, e tamén algo
lacazán, pídelle que o transporte sobre a cuncha. Ao día seguinte,
outros bichiños da selva aproveitan a boa vontade de Pepa e utilízana
como autobús. A cousa empeza a revirarse cando os animais máis
mangallóns, como a elefanta, esixen o mesmo trato.
|
|
|
Cucho,
Coco e o dilema do 6
Tino
Antelo (Textos) e Marina Seoane (Ilustracións)
Baía
Edicións
38
p. ; 7 €
|
|
Cucho, Coco e o dilema do 6, de Tino Antelo, foi a obra gañadora do I Premio Internacional Barriga Verde de textos para teatro de monicreques (2003, modalidade infantil).
Cucho
e Coco, dous amigos e compañeiros do cole, procuran coa axuda dos
maiores resolver o difícil dilema do 6 que se lles presenta no seu
último encontro. O seu empeño e enxeño vailles servir para encontrar a
solución ao problema, ao tempo que lles proporciona un saboroso final.
|
|
|
|
Xuvenil
|
|
|
Proxecto
Bolboreta
Andrea
Maceiras Lafuente
Xerais
120
p. ; 10,1 €
|
|
Hadrián Barcés, matemático e gran soñador,
decide realizar unha viaxe dende Pequín a Nova York coa intención de
comprobar a veracidade do conxunto de teorías coñecidas como “Efecto
Bolboreta”, acuñadas por científicos como James Gleick e Edward Lorenz
a partir do proverbio chinés: “o bater das ás dunha bolboreta pódese
sentir ao outro lado do mundo”. Hadrián recollerá no seu diario as
detalladas anotacións desta aventura científica e solitaria polo mundo
enteiro na que conseguirá resolver algunhas das súas incógnitas,
sufrirá moitas penurias e decepcións, vivirá acontecementos inesperados
e mesmo atopará neses vieiros o rostro fermoso da bolboreta do amor, o
símbolo de todos os seus soños. O Proxecto Bolboreta é un xeito
diferente de vida, un soño que merece ser cumprido.
|
|
|
A
conta atrás
Carlos
Portela (Guión) e Sergi San Julián (Ilustracións)
[Prólogo de Manuel Rivas e Entrevista de Álvaro
Pons]
Faktoría
K
104
p. ; 15 €
|
|
Transcorreu
un ano desde a marea negra.
Otero,
conselleiro do goberno autonómico, presenta aos medios
de comunicación unha campaña propagandística
que anuncia a limpeza total das praias e a recuperación
do sector pesqueiro.
A
campaña é, en realidade, un exercicio de manipulación
informativa no que interveñen políticos e xornalistas.
Con Otero, coñecemos o resto dos personaxes desta historia:
unha ambiciosa presentadora de televisión, un pescador
en paro, un mariñeiro que fixo negocio da desfeita ecolóxica,
un redactor desencantado e un activista a favor do voluntariado.
“A
conta atrás” é unha viaxe no tempo. Arrinca un
ano logo da marea negra e vai repasando en sentido inverso,
indo cara atrás, a historia do desastre ata chegar a
como era a vida dos protagonistas antes do naufraxio... Unha
viaxe que afonda nos porqués das cousas.
|
|
|
Poderosa.
Diario dunha rapaza que tiña o mundo na man
Sérgio
Klein [Trad. de Mercedes Pacheco Vázquez]
Xerais
256
p. ; 12 €
|
|
Joana Dalva vive cos seus pais, cun irmán
pequeno, que é o neno máis pesado do mundo, e coa súa avoa, que pasa os
días na cama sacando a pintura da parede coas unllas e que non se
decata do que pasa ao seu redor. Este é o ambiente no que vive unha
rapaza que soña con ser escritora.
Un día fai unha redacción sobre
Xoana de Arco e provoca unha reviravolta na historia e nela mesma. Se
unha simple redacción podía cambiar o pasado, por que non usar a
literatura para cambiar o presente? Joana Dalva non dubida en converter
a ficción en realidade. O problema é que cada texto que ela escribe
provoca consecuencias imprevistas, orixinando outros textos que traen
novos problemas. É o xogo do gato e do rato que acaba escapando do seu
control. Para participar nese xogo non é preciso ter a idade de Joana
Dalva, nin sentir na pel os conflitos e as espiñas da adolescencia.
Esta novela de Sérgio Klein,
que obtivo enorme éxito no Brasil, é para todos os lectores e lectoras
que cren no poder transformador das palabras.
|