|
O
obxectivo é ser país invitado á
Feira de Guadalaxara de 2011
A
Consellería de Cultura fai balance da Feira
do Libro da Habana
(28-Febreiro-2008)
A conselleira de Cultura e Deporte, Ánxela Bugallo, fixo balance
dos resultados da presenza de Galicia como país convidado na
Feira Internacional do Libro da Habana (FILH), que definiu como "grande
éxito" da delegación galega tanto en termos de calidade da proposta
como de proxección da cultura galega.
A FILH rematou o
pasado domingo cun balance de 520.000 visitantes, 32 países
participantes, 81 expositores internacionais (entre eles os stands das
feiras de Frankfurt e Guadalaxara) e 1,2 millóns de libros vendidos. A
proxección internacional da Feira maniféstase no número de xornalistas
acreditados -60- de 14 países, entre os que se encontran as principais
axencias internacionais (Associated Press, Reuters ou France Presse) e
as principais televisións do mundo (CNN, BBC ou a ZDF alemana).
Bugallo explicou que a FILH foi un marco moi "frutífero" para o
establecemento de "contactos estratéxicos entre os axentes culturais
galegos con outros de todo o ámbito latinoamericano". A participación
de Galicia na Habana supuxo, segundo a conselleira, "un salto de xigante
no noso posicionamento como cultura e como país no mundo".
A responsable de Cultura explicou a presenza galega na FILH como un
primeiro paso "clave para a proxección de alto nivel no ámbito do libro
e da cultura en xeral en América Latina", sendo un investimento
cultural estratéxico para o futuro da proxección cultural galega.
Bugallo citou como próximo obxectivo de Galicia ser convidada na Feira
de Guadalaxara, para o que xa fomos candidatados para a edición de 2011.
Desde o punto de vista institucional a Consellaría de Cultura asinou
catro acordos de colaboración con distintos organismos cubanos. Coa
Escola Internacional de Cine y TV de Cuba de intercambio en materia de
formación, de materiais e de producción audiovisual; co Instituto
Superior de Arte co fin de colaborar no desenvolvemento de proxectos
conxuntos de traballo, vencellados á docencia ou á actividade
artística; co Instituto de Literatura e Lingüística para a
dixitalización da documentación integrada no Arquivo Galego, as memoria
do Centro Galego ademais de publicacións periódicas da colonia galega
en Cuba. Ademais, asinouse outro acordo co Museo Nacional de Belas
Artes para a catalogación dos fondos galegos.
Ánxela Bugallo afirmou a súa convicción de seguir investindo recursos
en proxección exterior da cultura galega: "nunca na historia se fixo
promoción internacional da cultura e para nós é un obxectivo ineludible
da nosa política".
[Máis
información]
[A
Feira do Libro da Habana en Cifras]
|
|
O
premio de narrativa "Torrente Ballester"
chega a súa XX edición
A
Deputación da Coruña convoca os seus
premios literarios e de banda deseñada
(27-Febreiro-2008)
 A
Sección de Cultura e Deportes da Deputación
da Coruña publicou no Boletín Oficial
da Provincia as bases para os premios do IV premio
de Banda Deseñada "Castelao", o
XIV premio de poesía "Miguel González
Garcés", o VII premio de literatura
infantil e xuvenil "Raíña Lupa",
o VII premio de ensaio "Manuel Murguía"
e o XX premio de narrativa "Torrente Ballester".
O
IV premio de Banda Deseñada "Castelao"
ten unha dotación económica de 6500
€. A obra premiada será publicada e cos traballos
orixinais formarase unha exposicón de carácter
itinerante. O prazo de admisión de orixinais finaliza o día 31 de maio de 2008.
O gañador da III edición foi Jacobo
Fernández Serrano coa obra Aventuras de
Cacauequi.
O
XIV premio de poesía "Miguel González
Garcés", para obras presentadas en galego,
está premiado cunha cantidade que ascienda
aos 6500 €. O prazo de admisión remata o
15 de abril e a obra gañadora será
publicada pola propia Deputación da Coruña.
A poeta das Pontes Medos Romero foi a gañadora
da edición do 2007 con O pozo da feridia.
O
VII premio de literatura infantil e xuvenil "Raíña
Lupa" conta tamén cun único premio
de 6500 € e a publicación da obra gañadora
por parte da Deputación da Coruña
ou a través de outra editorial. As obras
presentadas, que han de ser escritas orixinalmente
en galego, deberán presentarse antes do 16
de agosto. Viaxe a Libunca (Galaxia), de
Antonio Yáñez Casal, foi a obra premiada
na última edición do Raíña
Lupa.
O
VII premio de ensaio "Manuel Murguía",
para ensaios de carácter histórico, referidos a Galicia, inéditos e non premiados con anterioridade,
podendo abarcar calquera período da historia,
ten un premio de 6500 €. Na IV edición foi
premiada Prensa e comarca. Medios de comunicación en Negreira, A Baña e Brión no século XX, de Xosé Amancio Liñares Giraut e Omayra Lista Liñares.
No
XX premio de narrativa "Torrente Ballester"
poderán presentarse obras escritas en galego
ou en castelán e se otorgará un premio único e indivisible dotado con 25.000 €.
O prazo de entrega finaliza o 1 de xulio. O escritor
novel Xosé Manuel Pacho Blanco foi a gañadora
da pasa edición con A choiva do mundo.
[Ver
BOP da Coruña do 27 de febreiro]
|
|
Palabras
con memoria ou palabras en perigo de extinción
Novas
iniciativas da Asociación de Escritores en
Lingua Galega
(27-Febreiro-2008)
A AELG
ven de por en marcha dúas novas iniciativas
en prol da literatura e das letras galegas.
Por
unha banda, no seu soportal abriron unha fiestra
ás palabras con memoria, unha iniciativa da AELG que ten por obxecto
recuperar palabras nosas en desuso, ou sexa, en perigo de extinción. E
tamén palabras e expresións que non recollen os dicionarios. O visitante
da web, ademais de consultar un glosario que
se actualizará mensualmente, poderá enriquecelo enviando os vocábulos que teña arrombados no faio
da lembranza.
Por
outra banda abren, coa financiación da Dirección
Xeral de Xuventude e Solidariedade da Vicepresidencia
da Xunta de Galicia, unha nova convocatoria dos
obradoiros de creación literaria destinados
ao ensino obrigatorio e post-obrigatorio non universitario, impartidos
por escritores/as socias da AELG nos centros de ensino nos meses
de marzo, abril e maio. Estes obradoiros non supoñen custe económico ningún para os centros.
Os
obradoiros, dunha duración total de 10 horas,
tenden como obxectivo principal o proporcionar ao
alumnado estratexias para a escrita creativa dadas
pola experiencia do/a escritor/a.
[Palabras
con memoria]
[Obradoiros
de creación literaria]
|
|
O
espectáculo Rosalía XXI reuniu
a 800 espectadores no Teatro Mella da Habana
Galicia
despídese da Feira da Habana co premio ao
mellor expositor estranxeiro
(26-Febreiro-2008)
 Galicia despediuse
o domingo da Feira do Libro da Habana á que ata onte
asistiron máis de 500.000 persoas e na que se venderon máis dun
1.200.000 exemplares. O director xeral de Creación e Difusión Cultural,
Luís Bará, participou no acto de clausura da feira xunto a director do
Instituto do Libro cubano, Iroel Sánchez, subliñando a "presenza
orgullosa de Galiza na Habana" como unha gran oportunidade para "abrir
a nosa cultura ao mundo".
Como
colofón á presenza galega, o expositor da Consellería de Cultura recibiu o premio ao mellor stand
estranxeiro "polo seu exquisito deseño e por ofrecer un verdadeiro
mosaico á altura da súa idiosincrasía". O xurado tamén resaltou a imaxe
tan diferente que ofreceu o stand galego fronte ao resto dos
expositores que deixaron en segundo plano o deseño.
O espectáculo ‘Rosalía XXI’ que se estreou o sábado no Teatro Mella
(e que en breve poderemos disfrutar en Galicia) congregou a máis de 800 persoas que asistiron a esta nova visión da
poeta galega. Abe Rábade Quartet ofreceu dez temas compostos
exclusivamente para a ocasión que musicalizaban os poemas da escritora
galega xunto a un espectáculo audiovisual e a voz de Guadi Galego. O
público tamén puido desfrutar da actuación de Pablo Milanés que
interpretou un poema de Curros Enríquez dedicado a Rosalía.
Como
un dos últimos actos o sábado tamén
presentouse, no recinto da feira, a tradución ao galego do
éxitoso título de Ramonet, Fidel Castro. A miña vida. Conversas con
Ignacio Ramonet (Xerais), que foi un dos máis solicitados no expositor dos
editores galegos.
Rosa Aneiros, Teresa Moure, Marta Dacosta e Antía Otero, como
moderadora, participaron no encontro Da man e da voz das mulleres.
Todas elas coincidiron na existencia dunha literatura que se recoñece
feita por mulleres pero negaron unha adxectivación da literatura como
feminina. Aneiros considera que é preciso "non entrar no xogo de pór
adxectivos á literatura"; por outra banda Marta Dacosta criticou a
escasa presenza que se lle deu as autoras ao longo da historia e
reivindicou "a desconstrución dos mitos". Mentres, Teresa Moure repasou
con ironía os tópicos femininos e denunciou como "a muller aparece
trivializada sempre nos medios de comunicación".
[Máis
información]
|
|
O
obxectivo é poñer a disposición
da cidadanía e da comunidade ciéntifica
os fondos localizados na rúa do Hórreo
O
Parlamento de Galicia e o Consello da Cultura Galega
catalogarán os fondos de Carballo Calero
e dos irmáns Villar Ponte localizados no
Parlamento de Galicia
(24-Febreiro-2008)
A Presidenta do Parlamento de Galicia, Dolores Villarino, e o
Presidente do Consello da Cultura Galega, Ramón Villares, asinarán o
luns, día 25, ás 12 horas no Pazo do Hórreo, un protocolo de
colaboración para a catalogación, ordenación e integración dos fondos
bibliográficos e documentais de Ricardo Carballo Calero e dos irmáns
Antón e Ramón Villar Ponte. Trátase de poñer ese patrimonio cultural a
disposición da cidadanía e da comunidade científica.
Os
traballos consistirán na catalogación informatizada e a
preparación material do fondo bibliográfico das dúas bibliotecas e na
descrición e catalogación informatizada, clasificación e ordenación das
unidades arquivísticas e integración dos rexistros nas bases de datos
con ligazóns ás imaxes digitalizadas dos dous arquivos persoais.
O Parlamento ten a titularidade e a custodia destes dous importantes
fondos. Dende 1997 no caso de Carballo Calero e dende 2001 no dos
irmáns Villar Ponte. Os fondos de Carballo
Calero “reflicten as inquedanzas, a traxectoria e a fasquía
dun dos nosos lingüistas máis sobranceiros do século XX, testemuña e
protagonista do segundo espertar cultural do país na idade
contemporánea e defensor consecuente dos dereitos individuais e
colectivos do pobo galego. Percorrendo esta biblioteca un pode sondar o
evolucionar da nosa vida literaria, humanística e creadora, a través de
primeiras edicións, iniciativas culturais pioneiras compromisos cívicos
compartidos”.
Dos irmáns Villar Ponte saliéntase que “representan a ósmose entre a
loita polas libertades en épocas convulsas e a defensa do autogoberno;
un exemplo de coherencia política paradigmático do que aínda somos
debedores no proceso de consolidación e dinamización da nosa
personalidade cultural, lingüística e identitaria. A través da
documentación existente poderase albiscar o perfil humano que subxace a
ese compromiso de clara trascedencia política”.
[Máis
información]
|
|
Este
é o segundo ano que a biblioteca arousá
organiza a homenaxe sobre a matriarca das letras
galegas
A
Biblioteca Pública de Vilargarcía
de Arousa inaugura unha mostra sobre Rosalía
de Castro
(23-Febreiro-2008)
 O
pasado 22 de febreiro inaugurouse nas instalacións
da Biblioteca Pública de Vilagarcía
de Arousa unha interesante mostra sobre a vida e
a obra de Rosalía de Castro. A poeta de Padrón,
que da nome á biblioteca, é homenaxeada
polo aniversario do seu nacemento, o 24 de febreiro
de 1837.
[Máis
información]
|
|
O
soutomaiorense publicou recentemente en A Nosa Terra
As Escolas de Fundación en Galiza
Faleceu
Luis Obelleiro
(23-Febreiro-2008)
Este xoves finou, despois dunha longa doenza, o
sindicalista, historiador e escritor Lois Obelleiro.
Luís Obelleiro Piñón naceu en Arcade en 1953 e era Doutor en Historia.
Membro do Consello Nacional do Bloque Nacionalista Galego en
varias etapas, formou parte da Executiva Nacional da formación
frentista –na que asumiu responsabilidades como secretario de Política
Municipal e de Organización- até Decembro de 2006. Foi tamén, en
representación do BNG, membro do Consello de Administración da CRTVG.
Foi membro fundador do Sindicato Obreiro Galego
(SOG) e da Intesindical Nacional Galega (ING). Estivo
moi ligado a Arcade e a Soutomaior, onde foi concelleiro.
Como
escritor publicou recentemente As Escolas de
Fundación en Galiza (A Nosa Terra); foi
coautor de Historia de Galicia (A Nosa Terra)
e xunto a Pepe Carreiro crearon a colección
infantil A Nosa Historia (A Nosa Terra).
[Artigo
de Manuel Mera]
|
|
A
escritora recibirá en persoa o galardón
na Cea das Letras o vindeiro 26 de abril
A
AELG distingue á escritora cubana Nancy Morejón
co galardón Escritor/a Galego Universal
(19-Febreiro-2008)
 Cesáreo
Sánchez, poeta e presidente da Asociación de Escritores en
Lingua Galega (Aelg), entregou onte á escritora cubana Nancy
Morejón, na Habana e no marco das actividades da Feira do Libro, unha
distinción consistente nunha pluma estilográfica como símbolo do galardón
Escritor/a Galego Universal que lle foi concedida polos escritores galegos.
A escritora cubana estará presente este ano na
tradicional Cea das Letras, que organiza a Aelg, para recibir en persoa o
galardón de Escritor/a Galego Universal, atendendo a súa actividade como
dinamizadora cultural, estudosa da literatura afrocubana e defensora
infatigable dos dereitos da muller.
Nancy Morejón naceu na Habana en 1944. Licenciada en
Lingua e Literatura Francesas, non só é unha das voces máis orixinais da Cuba
posterior a 1959, senón que pola súa labor crítica e ensaística, asi como pola
súa importante contribución en organismos culturais, tense convertido nunha
figura imprescindible da actual literatura cubana. Traducida a varias linguas,
ten traducido, a súa vez, a poetas como Paul Éluard, Aimé Césaire, Jacques
Roumain e René Depestre, entre outros. Entre outros galardóns
ten no seu haber o Premio Nacional de Narrativa
no ano 2002.
No transcurso da tradicional Cea das Letras,
que se celebrará o sábado 26 de abril, a Aelg
premiará igualmente á Asociación Sociopedagóxica Galega, á Mostra de Teatro de
Rivadavia e ó autor melidense Xosé Vázquez Pintor.
|
|
A
rodaxe, que debeu comezar no 2007, conta cun orzamento
de máis dun millón de euros
Ismael
González vai levar ao cinema as Memorias
dun neno labrego de Neira Vilas
(18-Febreiro-2008)
 Eu
son Balbino. Un rapaz de aldea. Coma quen dis, un
ninguén. E ademais, pobre.
Así
comeza unha das obras cumio da literatura galega,
as Memorias
dun neno labrego de
Xosé Neira Vilas. Un libro co que o ourensán
Ismael González Díaz leva tempo querendo
levar ao cinema.
O
filme, que obtivo unha subvención por parte
da Axencia Audiovisual Galega no ano 2006 de 200.000
€ (que se perdeu "por un problema de papeleo")
ten un orzamento de pouco máis de un millón
de euros, será producido pola productora
de Ismael González -Ismael González
PC- e interpretado por un elenco artístico
formado por Xulio Abonjo, Mela Casal, Lino Braxe,
María Barcala, Dorotea Barcea e Uxía
Blanco.
Ismael
González xa produciu e dirixiu no 2002 o
documental Neira
Vilas. Memorias dun neno labrego. O libro
onde o escritor de Gres reconstrúe
coas súas lembranzas a Galicia da posguerra que fornece a súa novela e
personaxes. Nesa reconstrucción histórica van aparecendo as persoas e personalidades que, logo, substentarán
a valía da obra, a persoalidade
e a actuación de Xosé Neira Vilas en Arxentina, Cuba e Galicia.
Este documental, producido por Acuarela Comunicación,
tivo unha excelente acollida tanto en España
coma no extranxeiro.
[Máis
información]
[Ficha
na Axencia Audiovisual Galega]
|
|
O
escritor melidense Xosé Vázquez Pintor
gañou o premio coa novela Para dicir abril
Publicado
o Premio Risco de Creación Literaria 2007
(17-Febreiro-2008)
 Sotelo Blanco Edicións publica
a nova novela do escritor de Melide Xosé Vázquez Pintor, Para dicir abril, incluída na
súa colección Medusa Narrativa. Esta obra resultou gañadora do Premio Risco de Creación Literaria
2007, certame organizado anualmente pola Fundación Vicente Risco en
colaboración co concello de Ourense.
Cunha estrutura encabezada por poemas de Safo de Lesbos, en Para dicir
abril a protagonista vai esmiuzando, nun xogo de intertextualidades, o
que é a súa vida, marcada por un pasado de relacións imposibles de
esquecer, dende a primeira infancia ata o momento presente. Vázquez
Pintor, cunha linguaxe luminosa e unha poeticidade de imaxes que esixen
do lector unha participación activa, explora nesta obra algunhas das
vetas máis escuras do ser humano...
Xosé Vázquez Pintor foi gañador dos premios Eduardo Pondal
(1981) con Ofidios de diario, o Cidade de
Ourense (1989) con Na vertical da noite,
o Esquío (1989) con No corazón
mancado, o Uxío Novoneyra (2000) con
Banzados, o Carvalho Calero (2000) con Quen
me faga voar, O Torrente Ballester (2000) e
Crítica Española (2001) con A memoria
de boi, ou o Torque de Prata (2004) con Tal
era vivir.
[Máis
información]
|
|
A
Fundación Curros Enríquez organiza
os actos que se desenvolverán no centenario
da morte do escritor de Celanova
2008,
o Ano de Curros Enríquez
(14-Febreiro-2008)
 O Padroado da Fundación
Curros Enríquez aprobou un orzamento de 57 mil euros, aportados por algúns
dos patróns institucionais como o Concello
de Celanova, a Deputación Provincial de Ourense,
a Consellería de Cultura e Deporte, a Consellería
de Educación e Caixanova, para fixar as actividades que se celebrarán en 2008 en conmemoración
do centenario da morte de Manuel Curros Enríquez.
Os restos do poeta Manuel Curros Enríquez atópanse na actualidade no
cemiterio de San Amaro da cidade de A Coruña. Con tal motivo os actos
do 7 de marzo, propio día de conmemoración do 100 aniversario da súa
morte, centraránse nesta cidade. Ata ela desplazaranse os membros do
Padroado desta Fundación para realizar unha ofrenda floral, visitar o
CEIP Curros Enríquez da cidade herculina, homenaxear ao vate diante do
seu principal monumento nos Xardíns do Méndez Núñez e finalmente
anunciar o Premio Celanova, Casa dos Poetas na edición de 2008 na sede
da Real Academia Galega.
Actos de homenaxe a Curros tamén terán protagonismo de maneira especial
na súa vila natal, Celanova, en colaboración coa Consellería de
Cultura; en Ourense gracias ao ofrecemento do Liceo e en Madrid onde xa
se está en contacto coa Casa de Galicia.
A colaboración da Real Academia Galega durante este ano do centenario
intensificarase coa organización dunha exposición con material orixinal de Curros.
Entre outros obxectos viaxarán a Celanova a bandeira coa que foi
envolto o cadáver, a coroa que se lle entregou en 1904 no acto de
coroación poética (acto que significou o primeiro recoñecemento público
a un poeta en galego en vida), unha colección de partituras de poemas
musicados e primeiras edicións, algunhas con apuntamentos do propio
Curros. Esta mostra inagugurarase en Celanova e exporase unicamente a continuación
na
Coruña.
Durante 2008 a Fundación Curros Enríquez itinerará unha exposición de
creación propia sobre a vida e obra de Manuel Curros. Os paneis que
formarán esta obra poderán visitarse en casas de cultura e centros de
ensino, como por exemplo os denominados co nome do poeta, por todo o
territorio galego ao longo do ano.
O Centro da Cultura Popular “Xoaquín Lorenzo” colaborará
coa organización de varias conferencias sobre o homenaxeado que serán
impartidas polos profesores Marcos Valcárcel e Afonso
Vázquez-Monxardín. Ademais o Centro da Cultura Popular centrará gran
parte do próximo número do mes de maio da Revista Raigame na figura de
Curros Enríquez e celebrará na Casa dos Poetas en colaboración con esta
Fundación e a Facultade de Ciencias da Educación unha mesa redonda
sobre as casas dos escritores como centros de dinamización do
patrimonio literario.
Outra das grandes propostas para este ano do centenario e no que xa se
está a traballar é a edición dun disco de María do Ceo con poemas dos
autores de Celanova, sendo Curros o protagonista.
Tamén Curros será o punto de referencia para outras actividades
aprobadas polos membros desta entidade como a organización dunha
lectura conxunta de poemas nas 54 localidades galegas que contan con
rúas denomidas Curros Enríquez. Asi mesmo se retomará o proxecto da
‘Ruta do Rexurdimento’, nesta ocasión será o Consello da Cultura Galega
a entidade colaboradora, que pretende divulgar conxuntamente os lugares
de referencia dos principais autores desta etapa como son Curros,
Rosalía e Pondal, é dicir, Celanova, Padrón e Ponteceso.
Entre os
cursos e seminarios que se celebrarán destaca o de xornalismo
audiovisual coa Fundación Carlos Casares e mais o de turismo literario
que acollerá a Casa dos Poetas organizado pola Universidade
Internacional Menéndez Pelayo.
Este ano será a excusa para a celebración de varios encontros: un de
tódolos autores nacidos ou relacionados con Celanova, outro de poetas
novos e finalmente un de escritores-funcionario.
Por suposto tamén estarán presentes as celebracións musicais a través
de concertos de autores con composicións ligadas ao poeta entre os que
podemos avanzar un concerto homenaxe de música coral por parte da Coral
Solpor de Celanova.
Por último en relación ao autor protagonista do 2008 continuarán as
actividades para escolares ofertadas desde a Casa dos Poetas como o
programa ‘O Curros de Celanova’ (programa que combina visitas
turísticas, a ruta de sendeirismo denominada ‘currosiana’ e a lectura
de poemas) e a reinterpretación fotográfica do poema Unha boda en
Einibó, asi como a celebración de obradoiros e actividades de
animación á lectura.
|
|
Máis
de 40 escritores e escritoras participarán
en diferentes actividades na capital cubana
A
cultura galega desembarca na Habana
(13-Febreiro-2008)
 Hoxe deu
comezou a 17 Feira Internacional do Libro da Habana,
na que Galicia é a cultura convidada, e que se celebra na capital
cubana entre os días 13 e 24 de febreiro. Unha gran embaixada literaria e
cultural estará presente nun dos principais eventos literarios de América
Latina.
Desde que Ánxela
Bugallo, Conselleira de Cultura e Deporte interveña ás 19.00 h. na inauguración da Feira, un
feixe de literatura, música e danza, contacontos, maxia, teatro e audiovisual
galego despregarase ao longo dos doce días que durará o evento que en palabras
da Conselleira “marcará un antes e un despois no camiño da internacionalización
da cultura galega”.
O programa de
Galicia en Cuba inclúe máis de 200 actividades literarias, académicas e
artísticas.
O desembarco
literario galego estará composto por máis de 40 escritores e escritoras,
historiadores, editores e creadores como Roberto Salgueiro, Antía Otero, Elías
Torres, Santiago Gutiérrez, Cristina Novoa, Manuel Cráneo, Jacobo Fernández,
Óscar Villán, Isabel Blanco, Fran Jaraba, Cesáreo Sánchez Iglesias, Xosé Lois
García, Manuel Ferreiro, Helena Billar Janeiro, Irene del Río, Manolo
Figueiras, Xavier Rodríguez Baixeiras, Antón Ribeiro Coello, Antonio Reigosa,
Marisa Núñez, Anisia Miranda, Xosé Vázquuez Pintor, Aurora Marco, Marilar Aleixandre,
Antonio García Teijeiro, Pilar García Negro, Lorenzo Fernández Prieto, Miguel
Anxo Fernán Vello, Xabier P. Docampo, Marta Dacosta, Agustín Fernández Paz,
Chus Pato, Tucho Calvo, Pepe Carreiro, Pilar Cagiao, Xosé María Álvarez
Cáccamo, Antón Castro, Víctor F. Freixanes, Camilo Franco, Ana Chouciño, Suso
de Toro, Manuel Rivas, Xosé Carlos Caneiro, Teresa Moure, Ramón Villares
ou Ignacio Ramonet.
As editoras
galegas tamén estarán presentes na feira, asemade, a Cuba levarán libros en
exposición Alvarellos Editora, A Nosa Terra, Baía Edicións, Biblos Clube de
Lectores, Edicións do Castro, Edicións Positivas, Edicións Xerais de Galicia,
Editorial Galaxia, Everest Galicia, Faktoría K de Libros, Gesbiblo, Hércules de
Ediciones, Ideaspropias Editorial, Ir Indo Edicións, Kalandraka Editora,
Editorial Primera Persona, Laiovento, Linteo, Nigra Trea, Nova Galicia
Edicións, Edicións Obradoiro, OQO Editora, Rinoceronte Editora, Rodeira,
Sálvora, Edicións Sotelo Blanco, Editorial Tambre, Tórculo Edicións, Editorial
Toxosoutos e TresCTres Editores. O libro galego, a través de vinte editoriais
pertencentes á AGE porán á venda en Cuba as súas últimas novidades e títulos do
seu catálogo vivo. Entre elas atópanse Edicións Espiral Maior, Rinoceronte
Editora, Editorial Sálvora, Edicións do Castro, Editorial Toxosoutos, Tórculo
Edicións, Kalandraka Editora, Biblos Clube de Lectores, OQO Editora, Nova
Galicia Edicións, Alvarellos Editora, TresCTres Editores, Laiovento, Edicións
Sotelo Blanco, A Nosa Terra, Edicións Xerais de Galicia, Editorial Galaxia, Ir
Indo Edicións, Baía Edicións, Gesbiblo, Edicións Positivas, Rodeira e Faktoría
K de Libros. Ademais, a editorial Kalandraka contará cun stand de seu.
A música e o
son
galego escoitarase na illa a través da vintena de actuacións en solitario ou
acompañando a músicos locais a cargo de Abe Rábade Quartet, Carlos Núñez, Real
Filharmonía de Galicia, Marful, Mercedes Peón, Nordestin@s, Uxía, Paulina
Ceremuzynska, Narf e Díos ke te crew.
Quico Cadaval
dirixirá na Habana un encontro de contacontos co título "Tres continentes
para unha illa". No proxecto participarán os contacontos galegos Celso
Fernández, Avelino González e Paula Carballeira, e os africanos Boniface Ofogo
(Camerún), Marcelo Ndong (Guinea Ecuatorial) e Angelo Torres (São Tomé e
Príncipe). A presenza de contacontos complétase coas sesións dirixidas a
público infantil por Pavís Pavós e Galitoon.
Os coreógrafos e
bailaríns David Loira e Rut Balbis, da compañía viguesa Pisando ovos ofrecerán
en Cuba tres actuacións. O lugar da maxia na representación das artes escénicas
galegas que viaxa a Cuba ocúpao o mago-mimo Anyo.
O audiovisual
galego terá unha presenza notable na Feira do Libro da Habana. As televisións
cubanas emitirán máis dunha vintena de producións galegas e na programación da
Feira inclúense proxeccións, mesas redondas e coloquios. Ademais, creadores
galegos e cubanos participaron no proxecto "Ópticas cruzadas", que
deu como resultado catro filmes que se presentarán na Habana. Xunto ás
proxeccións e coloquios enmarcadas no proxecto "Ópticas cruzadas",
dentro da programación da Feira da Habana terán lugar outras proxeccións
audiovisuais e mesas redondas.
[17
Feira Internacional do Libro da Habana]
[Programa
de actividades de Galicia, cultura convidada]
|
|
Ten
como obxectivo normalizar a lingua e enriquecer
o léxico no ámbito sexual
Vieiros
convoca o Certame de microrrelatos eróticos
Ferve a Rede
(13-Febreiro-2008)
 Vieiros
convoca, en colaboración coa Secretaría
Xeral de Política Lingüística,
un concurso online de textos de temática
erótica, en galego e cunha extensión
máxima de 550 caracteres. Un dos principais
obxectivos do concurso é a normalización
da lingua nun ámbito como o sexual no que
se advirte un progresivo empobrecemento do léxico
patrimonial empregado polos galegos, e a reducción
das palabras de uso común a unhas poucas
ducias.
Os
relatos poderán enviarse dende o 11 de febreiro
até o 10 de marzo, e o gañador será
decidido e anunciado o 17 de marzo por un xurado
escollido polo xornal. Os textos poden enviarse
dende a propia páxina do concurso.
O
premio para o autor ou autora do microrrelato gañador
será unha viaxe e estadía de catro
días en Venecia para dúas persoas.
Ademais, todas as persoas que participen, ben enviando
textos ou votando por eles, entrarán nun
sorteo para facerse cunha estadía dunha fin
de semana nunha casa rural próxima á
parroquia do Sexo, en Agolada.
En
2001 Vieiros puxo en marcha a iniciativa Necesariamente
X, na que o escritor e xornalista Camilo Franco
construía relatos ou pensamentos (eróticos
ou non) a partir de imaxes de pornografía
sexual enviadas polos lectores de Vieiros, un xogo
sobre a importancia da obviedade. E un ano máis
tarde, coincidindo coa celebración das Letras
Galegas, publicouse, coas achegas dos lectores,
un 'Vocabulario sexual galego', unha listaxe de
varios centos de palabras relacionadas co tema.
[Ferve
a Rede]
|
|
Estará
formado por quince membros da administración
e dos diferentes ámbitos do sector
Configurado
o Consello Asesor do Libro
(12-Febreiro-2008)
 O DOGA publicou
hoxe o nomeamento dos membros do Consello
Asesor do Libro, cuxas funcións son a de
desenvolver estudos e accións para difundir
esta industria cultural, tal e como está
previsto na Lei do Libro. Este organismo está
composto por quince membros da administración
e dos diferentes ámbitos deste sector.
O Consello
Asesor do Libro estará representado por:
-En representación da Consellería de Educación e
Ordenación Universitaria, como titular Mª José Pérez Mariño e como
suplente Cristina Novoa Fernández.
-En representación da Consellería de Innovación e Industria, como titular Ana Mª Rúa Souto e como suplente Sol Mª Vázquez Abeal.
-En representación da Secretaría Xeral de
Política Lingüística, como titular Mª Sol López Martínez e como
suplente Cristina Rubal González.
-En representación da Federación Galega de
Municipios e Provincias, como titular José Luis Armada Castro e como
suplente Alberto Iglesias Fraguela.
-En representación do ámbito dos escritores
galegos, como titular Cesáreo Sánchez Iglesias e como suplente Fátima
Antía Otero Rodríguez.
-En representación do ámbito dos tradutores
galegos, como titular Xosé Mª Gómez Clemente e como suplente Dolores
Sánchez Palomino.
-En representación do ámbito dos ilustradores galegos, como titular Jesús Blanco Cubeiro e como suplente David Prieto Seijo.
-En representación do ámbito dos editores
galegos, como titular Alfonso García Sanmartín e como suplente
Francisco Alonso Villaverde.
-En representación do ámbito das artes gráficas
galegas, como titular Carlos Docampo Freire e como suplente Jacobo
Bermejo Barrera.
-En representación do ámbito dos distribuidores
galegos, como titular Manuel Casal Salgado e como suplente José Pillado
Martínez.
-En representación do ámbito dos libreiros
galegos, como titular Xaime Carlos del Corral Prieto e como suplente
Xurxo Patiño Pérez.
-En representación do ámbito dos bibliotecarios galegos, como titular Mª Luz Corral Uzal e como suplente Elena Pernas Lázaro.
[Ver
información no DOGA]
|
|
Chesi
logrou o éxito coas novelas Nembrot
e Cabo de Hornos, publicadas por DVD Ediciones
La
soledad de las vocales de José María
Pérez Álvarez, Chesi, gañadora
do III Premio de Novela Bruguera
(12-Febreiro-2008)
 O escritor barquense
José María Pérez Álvarez fíxose co III Premio de Novela Bruguera con La soledad
de las palabras, unha novela que, en palabras do único membro do xurado, a
editora e escritora Esther Tusquets, “sorprende pola súa extremada economía do
decorado e o seu habilísimo uso da reiteración”.
A pensión Lausana
na que vive o narrador mantén unha similitude co sanatorio Berghof d’A montaña
máxica de Thomas Mann. Un lugar onde o narrador convive cun tapiceiro, unha
exnadadora, unha parella de homosexuais, un pintor e un discípulo de Joyce. Unha
novela de personaxes derrotados e fracasados.
Pérez Álvarez,
Chesi, logrou o éxito literario coas novelas Nembrot (DVD Ediciones) e Cabo de
Hornos (DVD Ediciones). En galego ten publicado En perigo de extinción
(Positivas).
Wendy Guerra e
Carlos Peramo foron os gañadores anteriores do premio Bruguera, da que
se fará unha tirada de 8000 exemplares.
|
|
O
congreso xirará sobre Bibliotecas Públicas:
Bibliotecas Plurais
A
Coruña acollerá o IV Congreso Nacional
de Bibliotecas Públicas os días 24,
25 e 26 de setembro
(12-Febreiro-2008)
 A Dirección
Xeral do Libro, Arquivos e Bibliotecas do Ministerio
de Cultura, a través da Subdirección
Xeral de Coordinación Bibliotecaria e coa
colaboración das Comunidades Autónomas,
a FEMPL,
a
Dirección General del Libro, Archivos y Bibliotecas
del Ministerio de Cultura, a través de la
Subdirección General de Coordinación
Bibliotecaria y en colaboración con las Comunidades
Autónomas, la FEMP, fundaciones y asociaciones
profesionales de bibliotecas organizarán
na Coruña o IV Congreso Nacional de Bibliotecas
Públicas durante os días 24, 25 e
26 de setembro.
O
programa do Congreso xirará ao redor do lema BP: Bibliotecas Plurales.
O
programa contará con intervencións
e ponencias sobre estructuras
de cooperación bibliotecaria Sistemas, redes,
consorcios o cualquier otra forma de cooperación
entre bibliotecas Proyectos y servicios bibliotecarios
cooperativos; a lexislación
e normativas en torno á cooperación bibliotecaria.
A biblioteca accesible; a proxección
e imaxen das bibliotecas públicas.
|
|
Miguel
Anxo Prado, David Rubín e Barsowia exporán
os seus traballos na capital catalana
Importante
presenza galega no 26 Salò Internacional
del Còmic de Barcelona
(10-Febreiro-2008)
 Do
17 ao 20 de abril celebrarase en Barcelona unha
das feiras de banda deseñada máis
importante de Europa, a 26ª edición
do Salón Internacional de Banda Deseñada
de Barcelona.
Despois
do éxito conseguido na pasada edición
polos autores galegos, onde Barsowia foi mellor
fanzine do 2007, David Rubín como mellor
autor revelación e Miguel Anxo Prado Gran
Premio del Salò, este ano a banda deseñada
galega terá un gran protagonismo na feira
barcelonesa.
Xunto
a Max, Mortadelo e Filemón, Tim Sales con
Heroes e O labirinto de DDT, Miguel
Anxo Prado, David Rubín e Barsowia participarán
con cadansúa exposición onde mostrarán
parte do traballo que ven desenvolvendo nos últimos
anos na banda deseñada.
Fotogramas
ilustrados é o título da exposición
onde Miguel Anxo Prado fará unha retrospectiva
do seu traballo en De profundis, Men in Black e
o Xabarín Club. Teteiras e Dragóns:
Un paseo polo mundo de David Rubín e
os orixinais do fanzine Barsowia completan as exposicións
galegas no 26 Salò.
[Máis
información]
|
|
Galicia
volve ocupar a penúltima posición
en hábitos lectores e a última en
compra de libros de non texto
A
Federación de Gremios de Editores de España
publica os resultados dos Hábitos de Lectura
e compra de libros 2007
(08-Febreiro-2008)
 A
Federación de Gremios de Editores de España coa con la colaboración de la
Dirección General del Libro, Archivos y Bibliotecas del Ministerio de Cultura
publicaron onte os resultados obtidos no ano 2007 no estudo barómetro anual
sobre “Hábitos de lectura e compra de libros en
España”. Resultados máis destacables:
Lectura de
libros
O 41 %
dos españois son lectores frecuentes fronte o 43,1 % que afirman non ler nunca
ou case nunca. En
Galicia o 36,3 % dos entrevistados son lectores frecuentes, o 14,9 % son
ocasionais e o 48,8 % decláranse como non
lectores.
Entre sexos as mulleres son máis lectoras
(60,3%) que os homes (51,4%). A tasa de lectores alcanza o porcentaxe máis alto
entre os xóvenes de 14 a 24 años (73,3%) e entre os que teñen estudos superiores
(84,5 %) que os que teñen secundarios (66,2 %) e primarios (35,2 %). A maior
tamaño do hábitat no que residen os entrevistados, a porcentaxe de lectores é
maior.
Galicia volve ser a penúltima comunidade en
número de lectores, cun 51, 2 %, máis de cinco puntos menos que a media estatal.
A última posición segue a ocupala
Estremadura.
A media
de libros lidos ao ano é de 9,5 libros, aos cales se lle dedican 5,8 horas de
lectura semanais. A
temática preferida entre os lectores segue a ser a novela, e dentro destas, as
novelas históricas, seguidas das de aventuras e de intriga e misterio. As que
menos gustan, as de terror e as románticas.
O 93,1 %
dos lectores len en castelán, o galego ocupa un 0,3 % estatal e un 4,9 % dentro
de Galicia. Esta porcentaxe aumenta ata o 56,4 % se sumamos aos lectores
frecuentes e ocasionais.
Un dos
datos máis curiosos é o que indica que o 35,4 % dos entrevistados afirman ler
menos que antes, esta porcentaxe aumenta de forma considerable fronte aos anos
anteriores. As causas deste descenso atopámolo por motivos de traballo, a
familia ou outras formas de lecer. Case a metade dos lectores engaden que en
período vacacional len máis que o resto do ano. Este dato aumenta entre os
lectores frecuentes. Ao 85 % dos lectores gustaríalle dedicar máis tempo á
lectura.
A
lectura na mocidade.
Entre os rapaces de 10 a 13 anos, o 65,5 %
decláranse lectores frecuentes, o 19 % ocasionais e o 15,5% como non lectores.
Os rapaces son máis lectores (86,2 %) que as rapazas (82,9 %). A media de libros
lidos no último ano por rapaces de 10 a 13 anos chega aos 8,2 libros cunha
media de 4 horas semanais e os seus libros preferidos son os de
aventuras.
Os
rapaces prefiren ler antes que ver a televisión ou navegar pola internet, pero menos que a
música, o deporte ou o cine.
Compra de
libros
O 56, 2
% dos encuestados afirman haber comprado libros no 2007, este número rebaixase
ata o 29,3 % se excluímos os que mercaron só libros de texto. O 15,4 % mercaron
libros de texto e de non texto.
O 50,5 %
dos galegos compraron libros o pasado ano, fronte o 56,2 % da media estatal.
Seguimos a ser os penúltimos só por diante de Estremadura. A media de libros
comprados a nivel estatal foi de 10,4
libros.
Se se
fala só de libros de non texto, o 44,7 % da poboación mercou libros, cunha media
de 8,2 libros. Galicia é a comunidade con menos poboación compradora de libros,
seis puntos menos que a media estatal, ata situarse no 38,7 %.
As
novelas histórica e de aventuras volven ser as máis
compradas.
O libro
galego supón un 10 % do libro vendido en Galicia, situándose como a terceira
lingua que máis vende despois do castelán e do
catalán.
Os
lectores mercan os libros principalmente pola súa temática, seguido dos
consellos de outras persoas e polo autor.
As
librarías son os puntos de venta preferidos polos lectores, en segundo lugar as
grandes superficies e os clubes de lectores.
Os
entornos das lecturas de libros
En cada
fogar hai unha media de 174 libros (238 entre os que se consideran
lectores).
O 72,6 %
da poboación afirman non haber pisado unha biblioteca no 2007. O 25,7 % dos
enquisados son socios de algunha biblioteca, á que van unha ou dúas veces por
semana ou algunha vez ao mes.
Lectura e
internet
Entre a poboación usuaria de internet o 17,1 %
utilizan internet para ler ou para descarar literatura da rede. O 16 %
participan en blogs ou foros de libros ou temas literarios. O 55,1 % utilizan
internet para atopar información sobre libros ou temas literios. O 11,1 %
compran libros a través de internet.
[Hábitos
de lectura e compra de libros en España 2007]
|
|
Sechu
Sende con Made in Galiza e Minimaladas
de Carlos López entre os mellores do ano
en opinión dos lectores
Os
lectores elixen aos mellores do 2007
(06-Febreiro-2008)
 Tras
pedir nas duas últimas semanas aos lectores
e lectoras de Fervenzas Literarias que elixiran
aos mellores libros, autores, ilustradores, editoriais...
do ano xa podemos facer públicos os resultados:
-
Mellor libro de narrativa adultos do ano:
Made in Galiza de Sechu Sende.
-
Mellor libro de poesía adultos do ano: Profundidade de
campo de Yolanda Castaño; Cólera, de Mª Xosé
Queizán e Poémas canónicos
de Konstantinos Kavafis.
-
Mellor libro de ensaio adultos do ano: Arte e
parte, de Xurxo Borrazás.
-
Mellor libro xuvenil do ano: Illa soidade,
de An Alfaya.
-
Mellor libro infantil do ano: Minimaladas,
de Carlos López.
-
Mellor autor/a do ano: Sechu Sende.
-
Mellor ilustrador/a do ano: David Pintor.
-
Mellor portada adultos do ano: Made in Galiza.
-
Mellor portada infantil/xuvenil do ano: Minimaladas.
-
Mellor editorial do ano: Xerais.
-
Mellor iniciativa literaria do ano: Os Premios
Xerais.
-
O mellor acontecido no 2007: O Premio Nacional
de Literatura Dramática a Rubén Ruibal.
-
O peor acontecido no 2007: A Consellería
de Cultura e Deporte.
-
Mellor medio de comunicación: O Diario
Cultural da CRTVG.
[Ver
os resultados das votacións]
|
|
Emigrados
é un puzzle integrado polas pezas de Xosé
Manuel Pazos, Candido Pazó, Suso de Toro,
Anxos Sumai e Sonia Delgado
Os
autores de Emigrados, premio Max como mellor
Autor Teatral en galego
(06-Febreiro-2008)
 Xosé
Manuel Pazos, Candido Pazó, Suso de Toro,
Anxos Sumai e Sonia Delgado foron premiados na XI
edición dos premios Max das artes escénicas
na categoría de mellor Autor Teatral en Galego
por Emigrados.
A
obra, que leva algún tempo nos escenarios
representada por Teatro de Ningures baixo a dirección
de Etelvino Vázquez, impúxose aos
outros dous finalistas: Ánxeles Cuña
Bóveda por Margar no pazo do tempo
e a Eduardo Alonso por Imperial: Café
Cantante. Vigo 1936.
Emigrados é unha historia múltiple que,
engarzada, constitúe un mosaico de pezas de distintos autores e autoras
que, unha por unha, dende o tratamento específico da emigración, da
inmigración, do retorno, do desenraizamento, compoñen un cadro xeral
que permite apreciar nidiamente o drama individual e social que supón
estoutro xeito de "exilio".
|
|
Con
esta medida preténdese favorecer a edición
en castelá das obras escritas en Galicia
A
Consellería de Cultura presenta a plataforma
Letras de Galicia
(03-Febreiro-2008)
 A
Consellería de Cultura e Deporte, presentou
o pasado venres en Madrid a súa estratexia de
promoción da cultura galega. A conselleira de Cultura, Ánxela
Bugallo, expresou a vontade de
internacionalizar a cultura galega e falou do primeiro gran evento
exterior protagonizado por Galicia, a Feira Internacional da Habana que
comeza o próximo día 13 de febreiro.
Durante o acto tamén tivo lugar a presentación da plataforma dixital letrasdegalicia,
unha web que favorecerá a difusión da literatura galega máis alá das
nosas fronteiras.
Este portal quere crear unha forma de comunicación directa entre a
industria galega do libro e o mundo da edición en fala hispana, coa
idea de favorecer a edición castelá de obras escritas en Galicia e
aumentar a súa presenza no mercado literario en español. Letras
de Galicia achega información sobre Galicia,
a súa literatura, sobre as axudas existentes
para a tradución cara o galego ou a outras
linguas, sobre lexislación e dereitos de
autor. Esta ferramenta complementa a ReadGalicia.
un escaparate on-line que mostra máis de 200 obras galegas recentes que
inclúen un extracto traducido ao inglés. Ademais, outra das medidas é o
apoio á tradución de obras galegas a outras linguas.
[Letras
de Galicia]
[Máis
información]
|
|
A
biblioteca conta con máis de 40.000 volumes
e cun amplio fondo especializado en temas galegos
e coruñeses
A
biblioteca de Estudos Locais da Coruña reabre
as súas portas cunha nova imaxe e novos servizos
(03-Febreiro-2008)
 O
pasado 31 de xaneiro tivo lugar a reapertura da
Biblioteca de Estudos Locais da Coruña, despois dun período de obras de acondicionamento do seu local
e "cunha
imaxe renovada e unha meirande confortabilidade para todos os cidadáns
que precisen os seus servizos", segundo expresou María Xosé
Bravo, Concelleira de Cultura da cidade herculina.
A Biblioteca
de Estudos Locais. Especializada en temas llocais, reúne, conserva e
difunde as coleccións bibliográficas e documentais de especial interese
para Galicia e a cidade. Conta agora con máis de 40.000 volumes cun amplo
fondo de literatura galega.
Desde
a súa reapertura, o público que se
achega poderá visitar a exposición
"A Torre de Hércules, un patrimonio para a humanidade", en apoio á súa candidatura
como Patrimonio da Humanidade.
|
|
A
AGE explica os seus argumentos
Os
editores galegos defenden a lexitimidade do canon
de compensación por copia privada
(03-Febreiro-2008)
 A
Asociación de Editores Galegos presentou
unha defensa do canon de compensación por
copia privada que tanto se está cuestionando
nestes últimos días.
A
posición da Asociación
Galega de Editores (AGE) é defender a absoluta lexitimidade do canon e o
dereito de autores e editores a percibir unha compensación axeitada
polo emprego das súas obras.
Os autores teñen o dereito
exclusivo de reproducción sobre as súas obras: só eles poden autorizar
ou prohibir que se fagan copias das súas creacións. Unha das
limitacións que establece a lei a este dereito é precisamente a copia
privada: cando o acto da copia reúne determinadas condicións (ser para
uso privado da persoa que a fai, non ter ánimo de lucro, etc.) non é
necesario pedir autorización previa aos titulares de dereitos. A lei
establece tamén que os creadores deben ser compensados por estas copias
privadas.
Isto é así porque os autores non poden controlar de maneira efectiva as
miles de reproduccións que se fan das súas obras para uso privado. De
aí que o sistema para compensar aos autores estea baseado nunha
cantidade que grava aos aparatos, equipos e soportes que permiten facer
as copias, pago que corresponde por lei aos fabricantes, distribuidores
e importadores de tales dispositivos. A compensación por copia privada
é unha realidade no sistema xurídico español dende 1987. Tamén está
establecido na maioría dos países da Unión Europea e a base legal é de
alcance internacional.
Cando
en xullo de 2006 modificouse a Lei de Propiedade Intelectual para
adecuala ao ámbito dixital. A lei non inclúe as tarifas aplicables a cada un dos dispositivos
suxeitos a esta compensación, senón que se deixou a un acordo entre as
partes (industrias tecnolóxicas e entidades de xestión). Ao non terse
alcanzado dito acordo, o Goberno está obrigado a establecer os equipos,
aparatos e soportes que estarán gravados por esta compensación, así
como as tarifas.
Cando entre en vigor a nova orde ministerial, o Centro Español de
Dereitos Reprográficos (CEDRO) recibirá a
compensación polos mesmos equipos que ata agora pero as tarifas non
serán as mesmas. É dicir, os fabricantes e importadores de
fotocopiadoras, equipos multifuncionais (aqueles que permiten dúas das
seguintes funcións: impresión, copia, fax e escáner) e escáneres
pagarán de media un 25% menos, especialmente polo acusado descenso (de
15 a 7,95 euros) da tarifa dos equipos multifuncionais.
Esta diminución da compensación por copia privada cuestiona a
veracidade de argumentos empregados con asiduidade nos últimos meses,
como que a partires de agora os escáneres serán máis caros debido ao
canon. Ademais formula serias dúbidas sobre se esa reducción na
compensación para autores e editores suporá unha baixada dos prezos na
mesma proporción dos equipos por parte da industria tecnolóxica.
A
AGE deféndese das acusacións que se
están vertendo desde as organización
que están en contra da implantación
deste canon:
Unha das ideas máis estendidas á hora de rexeitar o canon é que se
trata dun imposto, pero este non cumpre as condicións para selo, entre
elas ir destinado directamente ao conxunto de cidadáns. En realidade é
unha obriga civil e non fiscal, unha compensación destinada aos
prexudicados pola copia privada que xestionan asociacións privadas sen
ánimo de lucro, como CEDRO para os autores e editores de libros e
publicacións periódicas. Estas entidades deben cumprir unha serie de
requisitos establecidos na propia lei e son titeladas polo Ministerio
de Cultura, nunha situación similar á que se vive noutros países
europeos.
Outro argumento empregado en contra do canon é que o diñeiro non vai
para o creador, senón a entidades privadas que o reparten ó seu
albedrío. Isto é falso, xa que o destino final da súa recadación son,
sen ningún tipo de dúbida, os titulares de dereitos. Dende que obtivera
a súa primeira recadación por copia privada no ano 1993, CEDRO
distribuíuna entre os seus titulares, autores e editores, sexan ou non
socios da entidade, tal e como establece o marco legal vixente: un 55%
para os autores e un 45% para os editores.
Tamén se afirma que este gravame só beneficia aos autores e entidades
de xestión, pero o certo é que a copia privada resulta beneficiosa para
os cidadáns en xeral, porque poden copiar obras para o seu uso privado
sen solicitar a autorización previa dos seus titulares de dereitos,
disfrutando así dun límite que a lei establece aos dereitos exclusivos
do autor. A copia privada tamén beneficia á industria que produce os
equipos de copiado, xa que as vendas dos seus productos vense
impulsadas pola posibilidade de reproducir legalmente con elas obras de
creación. Bastaría só con imaxinar o prexuízo que suporía para
consumidores e fabricantes que non fora legal copiar con fins privados
obras protexidas. O que non pode pretender a industria do sector
tecnolóxico é aforrarse o canon para aumentar aínda máis, a costa de
autores e editores, os seus xa cuantiosos beneficios.
[Ver
informe completo]
|
|
O
7 de febreiro presentará en Compostela o
seu libro Fuxir
Jean-Phillipe
Toussainte participará no proxecto "Escritores/as
en Compostela"
(03-Febreiro-2008)
 Entre
os días 6 e 9 de febreiro os escritor belga
Jean-Phillipe Toussainte estará en Santiago
de Compostela como o primeiro convidado de "Escritores/as
en Compostela", organizado conxuntamente pola
Asociación de Escritores en Lingua Galega (Aelg)
e a
Concellaría de Cultura do Concello de Santiago, co que se pretende traer autores/as internacionais ao noso país e
así dar oportunidade aos lectores de afondar no coñecemento da súa obra dunha
forma máis persoal, a través de encontros e conferencias.
O día
6 Jean-Phillipe participará nun encontro con escritores/as galegos
no Club Internacional de Prensa en Santiago; o día seguinte participará nunha
mesa redonda de presentación do seu
libro Fuxir (Galaxia, 2007) no Casino de Compostela, na que estarán presentes
o autor, Xavier Queipo, un representante da editorial, o concelleiro Nestor Rego
e o presidente da Aelg, Cesáreo Sánchez. Finalmente, o día 8 trasladarase a Vigo
para estar presente nunha serie de actos organizados pola Editorial
Galaxia.
[Máis
información]
|
|
Lareira
Literaria
Uxía
Casal, Alberto Avendaño, Carmen Blanco e
Alvarellos Editora na Lareira Literaria de febreiro
(03-Febreiro-2008)
 Na Lareira Literaria
de febreiro temos o pracer de contar coas aportacións de Uxía Blanco, Alberto
Avendaño, Carmen Blanco e Alvarellos Editora.
Uxía Casal e Alberto
Avendaño fálanos dos libros que están a escribir e os proxectos nos que andan
embarcados. Uxía Casal prepara dous novos libros, un deles dirixido a rapaces e
un segundo de tema detectivesco. Alberto Avendaño anuncia a novela que está a
escribir e Carmen Blanco adiántanos o seu novo libro, Atracción total, que verá
a luz en marzo da man de Xerais. Pola súa banda, Alvarellos Editora nos
avanza as súas novidades para os vindeiros tres meses.
[Lareira
Literaria]
|
|