|
Ámbolos
dous libros foron premiados posteriormente na Cea
das Letras da AELG
O
soño da febre e De provincia a nación
premiados na XXIII edición dos Premios Antón
Losada Diéguez
(28-Abril-2008)
 O xurado do XXIII Premio Antón Losada Diéguez
acordou conceder o pasado sábado os premios correspondentes á XXIII edición dos
premios Antón Losada Diéguez a O soño da febre (Galaxia) de Miguel Anxo Murado
no apartado de creación literaria e a De provincia a nación. Historia do
galeguismo político (Xerais) de Justo Beramendi na modalidade de
investigación.
O Premio Antón Losada Diéguez convócase
anualmente desde 1985 polos concellos de Boborás e O Carballiño, co patrocinio
da Deputación de Ourense. Prémianse dúas obras publicadas no ano anterior, unha
na modalidade de creación literaria e outra de investigación, de entre as
presentadas a concurso polas editoriais.
A entrega dos premios terá lugar o vindeiro 8 de
xuño no pazo da familia Losada, ubicado na localidade de Moldes, en
Boborás.
Na última edición, os premios recaeron en Manuel Rivas,
pola obra Os libros arden mal (Xerais) e en Gonzalo Navaza por Fitotoponimia
galega (Fundación Pedro Barrié de
la
Maza).
|
|
De
provincia a nación, O único
que queda é o amor, Sextinario: trinta
e seis + tres, O soño da febre,
Poemas canónicos, Ciclo de Marte,
Xosé L. Ménez Ferrín, Nancy
Morejón e a Mostra de Teatro de Ribadavia
resultaron premiados no Hotel Porta do Camiño
de Santiago de Compostela
Os
escritores e escritoras galegos recoñecen
o traballo dos seus compañeiros na Cea das
Letras
(27-Abril-2008)
 O
Hotel Porta do Camiño de Santiago de Compostela
converteuse onte nunha gran festa das Letras Galegas
na que asistiron unha centena de escritores e escritoras
galegas que celebraron a Cea das Letras, organizada
pola Asociación de Escritores en Lingua Galega.
No
transcurso da Cea foron concedidos os premios á mellor obra
publicada no 2007 nas modalidades de Ensaio, Literatura Infantil e Xuvenil,
Poesía, Narrativa, Tradución, Teatro e Traxectoria Xornalística, galardóns que,
concedidos por escritores/as para escritores/as, levan camiño de se
afianzar como uns dos de máis prestixio no noso panorama literario. Tamén
foron entregados á poeta cubana Nancy Morejón
o galardón “Escritora Galega Universal” e a Mostra de Teatro de
Ribadavia o Premio AELG para Institucións.
Da conxunción de votos emitidos nunha primeira quenda
polos asociados/as á AELG -coa participación dos socios/as de Gálix para elixir
a mellor obra de Literatura Infantil e Xuvenil e dos membros do Colexio de
Xornalistas para a modalidade de Traxectoria xornalística-, elaborouse unha
listaxe de obras finalistas correspondentes a cada xénero dos mencionados,
sobre a que os socios e socias emitiron de novo o seu voto nunha segunda quenda
para elixir as obras gañadoras dos Premios AELG.
Unha vez computados os votos, estes son os gañadores do
Premio AELG ás mellores obras publicadas no 2007:
Ensaio:
Justo G. Beramendi, pola súa obra De provincia a nación: historia do galeguismo político
(Edicións Xerais de Galicia)
Literatura
Infantil e xuvenil: Agustín Fernández Paz, pola súa obra O único que queda é o amor
(Edicións Xerais de Galicia), ilustrada por Pablo Auladell
Poesía:
Marica Campo, pola súa obra Sextinario:
trinta e seis + tres (Sotelo Blanco Edicións)
Narrativa:
Miguel Anxo Murado, pola súa obra O soño da febre (Editorial Galaxia)
Tradución:
Yolanda Vilarchao, pola súa obra Poemas canónicos, de Konstantinos Kavafis (Rinoceronte Editora)
Teatro:
Millán Picouto, pola súa obra Ciclo
de Marte (Ediciones Linteo)
Mellor
traxectoria xornalística: Xosé L. Méndez Ferrín
|
|
O
volume está coeditado polo Consello da Cultura
Galega e o Seminario de Estudos Galegos
Ánxel
Casal, un editor para un país recolle
os rexistros bibliográficos publicados en
Lar e Nós
(24-Abril-2008)
 Ánxel
Casal, un editor para un país recupera
a figura do escritor e editor compostelán
asasinado en Cacheiras a comezos da Guerra Civil
no 36.
O gran contributo de Ánxel Casal á Galicia do século XX estivo no campo
da industria cultural, no seu intento de dotar Galicia, coa lingua
galega como vehículo de comunicación, dunha estrutura editorial estable,
tanto na edición propiamente dita de textos fundamentais para a cultura
galega moderna, como na presentación estética desas obras, de acordo
coas tendencias máis comúns da edición europea do momento. Neste
catálogo, coordinado por Alfonso Mato e editado polo Consello da Cultura
galega e o Seminario de Estudos Galegos, móstranse por primeira vez os rexistros bibliográficos e as
cubertas de case todas as publicacións que Casal editou e imprimiu,
primeiro na editorial Lar, xunto con Leandro Carré Alvarellos, e logo,
xa en solitario, na editorial Nós. [Máis
información e posibilidade de descargar o
libro no Consello da Cultura Galega]
|
|
O
dicionario incorpora as etimoloxías e as
equivalencias en portugués, catelán
e inglés
Ir
Indo publica na Rede o seu dicionario de galego
con máis de 65.000 entradas
(23-Abril-2008)
 Ir Indo Edicións celebra o Día Internacional do Libro colgando en
Internet o seu dicionario de galego, froito da experiencia de máis de
vinte anos de traballo a prol da cultura galega. Os interesados poderán
consultar a obra, con máis de 65.000 entradas en máis de dúas mil
páxinas e o primeiro redactado na normativa oficial aprobada pola Real
Academia Galega en 2003, entrando (también por teléfono móbil) na
páxina web www.digalego.com.
O dicionario, que vai ser permanentemente actualizado, perfeccionado e
ampliado coas aportacións dos usuarios, xa incorpora as etimoloxías e
as equivalencias en portugués, castelán e inglés, o que o convirte nun
dos dicionarios máis completos e actualizados do mercado lexicográfico
galego. En breve disporá tamén de sinónimos, antónimos e frases feitas.
[www.digalego.com]
|
|
Achegarase
os hábitos da lectura a todos os ámbitos
e sectores sociais
A
Consellería de Cultura presenta a campaña
Máis libros, máis libres para
a promoción do libro e da lectura
(22-Abril-2008)
 Incrementar os hábitos de lectura entre os sectores poboacionais
menos sensibilizados, favorecer o mercado do libro, promover o uso das
bibliotecas públicas, potenciar a función cultural das librarías e
abrir o mundo do libro a novos espazos son os obxectivos da nova
campaña de promoción do libro e da lectura da Consellería de Cultura e
Deporte.
A conselleira de Cultura, Ánxela Bugallo, e o
director xeral de Creación e Difusión Cultural, Luís Bará, presentaron
hoxe no Café Literarios de Compostela, a campaña de promoción do libro
e da lectura á que se destina 1,1 millóns de euros e que dará comezo
mañá, Día Internacional do Libro. As bibliotecas, as librarías, os
medios de comunicación e novos espazos públicos como medios de
transporte, centros deportivos e outros lugares de lecer servirán como
plataforma de transmisión deste hábito.
Esta campaña encargararse de achegar os hábitos da lectura a todos os
ámbitos e sectores sociais co obxectivo de facer visible e máis
presente ao libro en Galicia. Trátase de levar os libros máis alá das librarías
e das bibliotecas e facer do libro un obxecto cotiá que se pode atopar
en calquera lugar.
Baixo a frase Máis libros, máis libres, a campaña estará presente en
todos os medios de comunicación e en todas as accións, lembrando o
papel da lectura como unha actividade que favorece a comprensión e o
entendemento.
As librarías galegas acollerán campañas que potencien a compra de
libros entre o público e desenvolveranse actividades específicas de
promoción nas bibliotecas. Ademais destes dous ámbitos relacionados
estrictamente coa lectura, a campaña buscará novos espazos e achegarase
a outros públicos a través de bibliotecas móbiles en praias ou lugares
de lecer. Os libros tamén estarán presentes en diversos medios de
transporte como o bus e o tren, eventos deportivos e de masas en xeral
acollerán actvidades de carácter literario e desenvolveranse programas
dirixidos á hostalaría e ao comercio.
Esta iniciativa encádrase dentro do Plan da Lectura, que ordena por primeira vez de forma integral
todos os esforzos que se realizan para incrementar o hábito da lectura
e fortalecer todos os actores do sector, desde libreiros a bibliotecas
ou editores e que un orzamento para este ano de 9 millóns de euros.
|
|
As
bibliotecas liberarán unha morea de libros
por difernetes puntos da cidade
23
de abril, Día do Libro nas bibliotecas da
Coruña
(22-Abril-2008)
 Como celebración do Día do Libro 2008 as Bibliotecas Municipais
da Coruña tennos preparados unha serie de actos nos que se convida
todos os cidadáns a un completo programa de libros e lectura.
As
bibliotecas municipais da Coruña ofrecerán
información aos usuarios das estacións
de autobuses e trens sobre as súas actividades
e recursos. Espazos de paso pero
tamén de encontro, bos lugares onde ollar un libro mentres agardan o
de o elixir co fin de ler ao longo do traxecto. As
bibliotecas porán os libros a disposición
dos viaxeiros, que poderán levalos e lelos. Tamén
disporán dun punto de información
e folletos das bibliotecas, marcapáxinas
e un cartel conmemorativo.
Outra
das iniciativas será unha liberación
de libros por puntos distintos da cidade, cunha
nota no interior para facelos recoñecibles,
por se quen o atopa decide liberalo de novo.
A
partires das 19.00 h., na Biblioteca Municipal
de Montealto, a Concelleira
de Cultura fará entrega dos premios aos finalistas e participantes do
Concurso de fotografía dixital 'Amósanos
o que les'. Nese mesmo acto o mimo Fredi mostrará
as posibilidades dos libros e da lectura.
|
|
Antonio
Seijas, Alberto Vázquez e Retranca premiados
polo público
Fanzine
enfermo, único premiado galego no Saló
Internacional del Còmic de Barcelona
(22-Abril-2008)
 Fanzine enfermo, dirixido por Alberto Vázquez, foi o único
premiado galego no 26º Saló Internacional del Còmic de Barcelona no Premio ao
Mellor Fanzine do 2007.
Fanzine enfermo recibe así o recoñecemento póstumo a un proxecto
polo que pasaron autores como Jano, Alberto Vázquez, Lola Lorente, Daniel
García, Luci Gutierrez, Braïs Rodriguez, Fermín Solís, Elparras, David Rubín ou
Elfelix e que rematou a súa andaina no número 8. Feito á maneira clásica, isto
é, con papel reciclado e fotocopia de tóner, agás a portada a láser, os
promotores conseguiron sacar un producto chaeo de coherencia e harmonía.
Por outra banda, os autores galegos tiveron máis fortuna nos premios
concedidos polo público. O ilustrador de Ares Antonio Seijas obtivo o Premio ao
Mellor Guión por Un hombre feliz (Ediciones de Ponent), Alberto Vázquez
Premio ao Mellor debuxo por El Evangelio de Judas (Astiberri) e Retranca,
o novísimo proxecto de Kiko da Silva, Premio á Mellor Revista.
Coincidindo coa presenza institucional no Saló del Còmic, o director xeral de Creación e Difusión
Cultural, Luís Bará, presentou en Barcelona a estratexia global de apoio á
banda deseñada galega que está a desenvolver a Consellería de Cultura. Bará
aproveitou a súa intervención para anunciar que este ano a Consellaría de
Cultura ten previsto convocar tres bolsas de creación de banda de deseñada
dotadas con 6.000 euros cada unha, en total 18.000 euros. Así mesmo, deu a
coñecer aos asistentes outras iniciativas que se están desenvolvendo para
fomentar o sector en Galicia.
Outra das novas
que se anunciou no Saló é o convite, por parte da organización, a Galicia para ser a comunidade convidada de
honra do ‘Saló del Cómic de Barcelona’ no ano vindeiro, feito anunciado polo
director desta feira, Carles Santamaría, no acto de peche da edición deste ano.
[Listaxe
de premiados]
|
|
As
VI Xornadas Literarias celebraranse do 24 ao 26
de abril
William
Faulkner falará galego en Neda
(21-Abril-2008)
 As Xornadas Literarias que se celebran en Neda co
gallo do Día
do Libro versarán este ano ao redor da figura de William Faulkner e do
seu legado literario. Esta é a sexta edición dunhas
xornadas onde, en anos anteriores, trataronse a
obra e o estudo de autores como James Joyce, Marcel Proust ou Julio Cortazar.
Estas
xornadas celebraranse os días 24,25 e 26 de Abril e
contará coa presenza dos escritores Ramón
Loureiro, Ramón Pernas e Milagres Frías; os
investigadores Rachel Olfft Basse (da Universidade de Nova York) e Ted
Olson (da East Tennessee Universtity); o escritor e tradutor da obra
de Faulkner ao galego Xurxo Borrazás; o libreiro e escritor Miguel Salas
e José Manuel Sande García, membro
do equipo de programación do CGAI.
Ademais, como todos os anos,
un grupo de alumnos do I.E.S. Fernando Esquío de Neda achegará a súa visión do autor co
relatorio Welcome to Yoknapatawpha.
As xornadas están
organízadas en
colaboración coa Facultade de Humanidades da Universidade da Coruña. A inscrición é
gratuíta e obtense 1 crédito de libre configuración (pódese formalizar
persoalmente na Casa da Cultura de Neda, por teléfono, fax ou e-mail: cultura@neda.dicoruna.es).
|
|
O
próximo sábado 26 de abril entregaranse
os galardóns dos escritores galegos na tradicional
Cea das Letras
A
autora cubana Nancy Morejón recibirá
o premio Escritora Galega Universal da AELG
(21-Abril-2008)
 Achégase a data de celebración dun dos actos máis
importantes do ano da Asociación de Escritores en Lingua Galega: os Premios
AELG, uns galardóns que, concedidos por
escritores/as para escritores/as,
levan camiño de se afianzar como uns dos de máis prestixio no noso panorama
literario. No transcurso da Cea das Letras,
que se celebrará o sábado día 26 de abril, ás 20.30
h., no Hotel Porta do
Camiño de Santiago de Compostela, recoñecerase a mellor obra publicada no 2007
en cadanseu xénero: Ensaio, Literatura Infantil e Xuvenil (en
colaboración con Gálix), Poesía, Narrativa, Tradución (en colaboración coa Asociación Galega de Tradutores), Teatro e Traxectoria Xornalística (que premiará o/a autor/a coa mellor traxectoria
xornalística do 2007, e para cuxa elección se contará cos votos dos/as membros
do Colexio de Xornalistas).
Así mesmo, entregarase no transcurso da Cea o Premio AELG
Internacional 2008 “Escritora Galega Universal” á autora cubana Nancy Morejón,
e mais o Premio AELG para Institucións á Mostra de Teatro de Ribadavia.
Nancy Morejón nace en Cuba en 1944. Aos 18 anos foi incluída
na antoloxía Novísima Poesía Cubana,
e publica o seu primeiro libro de poemas, Mutismos.
La duodécima noche de William
Shakespeare. En 1989 asiste como invitada de honra ao 54 Congreso Mundial
do Pen Club Internacional en Toronto e Montreal. En 1992 é invitada polo
Congreso Nacional de Escritores Sudafricanos (COSAW) e percorre a República
Sudafricana, onde ofrece recitais e obradoiros literarios. Asistiu como
invitada de honra á III Conferencia de Escritores del Caribe, celebrada en
Curazao, así como á V Edición de Carifesta, en Trinidad-Tobago.
Entre as súas obras, caben salientar: Richard trajo su flauta y otros argumentos,
Nación y mestizaje en Nicolás Guillén, Piedra
pulida, Paisaje célebre, Elogio y Paisaje e Poemas 1987-1992. Obtivo numerosos premios, como: Premio de Poesía
Rubén Martínez Villena da Universidade da Habana; Mención da Unión Nacional de
Escritores y Artistas Cubanos; Premio Nacional de Ensayo Enrique José Varona;
Mención no Premio Internacional de Poesía “Pérez Bonalde”; Premio da Crítica
Literaria por Piedra Pulida, 1986 e Elogio y Paisaje, 1996, e en 2001 foi
Premio Nacional de Literatura.
O programa previsto de Nancy Morejón é o seguinte:
Xoves 24 de abril, ás 20.00 h., conferencia de Nancy Morejón na Fundación
Rosalía de Castro, en Padrón, baixo título Nancy Morejón: a muller na súa obra
e na literatura cubana e caribeña. Estarán presentes a Secretaria Xeral de
Igualdade, Carme Adán; a presidenta da Fundación Rosalía de Castro, Helena
Villar Janeiro, e a secretaria xeral da AELG, Mercedes Queixas
Venres 25 de abril, ás 19.00 h., Conferencia-coloquio na sede do Consello da
Cultura Galega. Será presentada polo presidente da AELG, Cesáreo Sánchez.
Sábado 26 de abril, ás 20.30 h., entrega do premio na Cea das Letras, no Hotel
Porta do Camiño de Santiago de Compostela.
[Ver
nominados aos premios da AELG]
|
|
Xosé
Luis Mosquera Camba obtivo o accésit por
Amebas
Xavier
Lama gaña o premio Esquío pola obra
Melancolía líquida da idade das
vacas
(21-Abril-2008)
 O
pasado venres falláronse en Ferrol os premios
correspondentes á XXVII edición do Premio Concello de Ferrol-Esquío de
Poesía nas modalidades de galego e castelán.
Xavier Lama López,
pola obra Melancolía líquida da idade das vacas, e a Miguel
García-Posada por El lamento de las praderas foron os seleccionados
polo xurado por unanimidade. A convocatoria inclúe
dúas accésit, que recaeron en Xosé Luis Mosquera Camba, por Amebas, e
en Eugenio Maqueda Cuenca, por La mirada secuestrada.
O Esquío está
dotado con 25.000 euros en premios, que se distribúen entre os 10.000
que se otorgan ao gañador de cada modalidade, con cadanseu accésit de
2.500 euros.
O reconto final de orixinais que este ano
participan no Premio de Poesía Esquío, nas convocatorias de galego e
castelán, foi un das máis numerosos dos últimos anos e tanto nunha como
noutra categoría superan á de 2007.
Na modalidade de galego, o xurado está composto
por Xulio
Valcárcel (presidente), Vicente Araguas, Luz Pichel e Marica Campo. Julia Uceda (presidenta), Luis García Jambrina, Carlos Galán Lorés e
Julia Barella. Pola súa banda, o de castelán está integrado por Julia Uceda (presidenta), Luis García Jambrina, Carlos Galán Lorés e
Julia Barella.
Na
súa intervención, a concelleira de Cultura Yolanda Díaz reiterou o compromiso do
Concello coa continuidade do galardón e agradeceu expresamente aos
xurados e ao conxunto de entidades participantes o apoio para a
pervivencia da convocatoria.
| |