Para min, sen dúbida algunha, Carlos Reigosa é o Pérez-Reverte da literatura galega (aínda que comezase escribir moito antes que o creador do Alatriste), esto é, pertencen a esa clase de escritores que, aínda que non pasen á historia das letras pola súa calidade escrita (aquí estou a falar de personaxes da talla de Cunqueiro, Fole ou Ferrín) están por enriba da narrativa de escritores tipo Dan Brown ou Ildefonso Falcones, e os seus libros están por enriba da media xeral se falamos de cifras en canto exemplares vendidos.

Reigosa conta a historia da bandoleira galega máis famosa de tódolos

tempos, aínda que xa avisa de que estamos ante unha novela histórica (moi ben documentada), froito de anos de investigación, e que todo o aprendido está mezclado coa ficción.  Pepa a Loba, despois dunha mocidade moi dura, ve como todo o que ama ao redor desmorónase e ademais é encerrada na cadea. Cando Pepa consigue fugarse, convértese en capitá de gavela, cun grupo de homes a quen, como a ela, esquivoulles a sorte, a partir de aí, Pepa a Loba e o seu pequeno exercito de 'desarroupados' enfrontaranse a caciques, ó clero, ...

Sen querer destripar o contido do libro, 'Pepa a Loba' é unha novela que

engancha, que divirte a súa lectura. Acción, romanticismo e drama son

algúns dos seus ingredientes. Obra recomendábel para aqueles que queiran ter unha lectura agradábel.

Biblioteca dos lectores

Opinións

Clube de lectura

Fervenzas dos lectores

Últimas aportacións