|
Antoloxía
dos poetas galegos en Cuba
Xosé
Lois García
Toxosoutos
Xénero:
Poesía
294
p. ; 9,62 €
|
Nesta antoloxía de poetas galegos en Cuba presentamos a catorce
dos devanditos. Homes que tiveron a Galiza como referencia e fundamento
dunha paixón patriótica que se manifestou ne reiterada saudade
que eles escolleron para o seu cántico. Devesa Naveiro, Curros
Enríquez, Armada Teijeiro, García Acuña, Lugrís
Freire, Núñez Sarmiento, Nan de Allariz, Ramón Cabanillas,
Vidal Pita, Blanco Torres, Rubinos Ramos, Sigüenza Reimúndez,
Vázquez Rábade e Neira Vilas.
|
|
|
|
O
segundo sexo
Simone
de Beauvoir [trad. de Marga Rodríguez]
Xerais
de Galicia
Xénero:
Ensaio
464
p. ; 22 €
|
Hai libros que nos acompañan moito tempo
despois de telos lido. Que abren camiños para o pensamento permanecendo
vivos anos despois da súa primeira publicación. Este é o caso d’ O
segundo sexo de Simone de Beauvoir, un texto imprescindible para os
movementos de mulleres e a primeira reflexión filosófica de calado
sobre a construción da condición feminina. Unha obra, publicada en
1949, que abriu debates sobre temas claves para o avance das mulleres,
nomeadamente, a importancia da súa independencia económica, a
redefinición do seu papel nas familias e na sociedade, a deconstrución
da mística da maternidade ou a capacidade de decisión das mulleres
sobre o seu propio corpo e da súa vida. Deixou claro que a bioloxía non
é o destino. E, polo tanto, deu azos a moitas xeracións de mulleres
para buscar formas para participar e transformar a vida social e
política. A obra Beauvoir ten a virtude de ser contemporánea moitos
anos despois. E agora a súa edición en galego, traducida por Marga
Rodríguez Marcuño e introducida por África López Souto, no ano do
centenario do seu nacemento apunta nesta mesma liña. As nosas letras
enriquécense cun texto fundamental para a humanidade que xerou unha
rede de pensadoras e activistas que transcende xeracións, clases e
países.
|
|
|
|
Laxeiro.
O eu de Xosé Otero Abeledo
Mª
Celia Ameneiro Bravo
Ir
Indo
Xénero:
Biografías
64
p. ; 13 €
|
Xosé Otero Abeledo, máis coñecido como Laxeiro, é unha
das grandes referencias do mundo da pintura galega do século XX e de todos os
tempos. Autor dunha obra única e dunha calidade indiscutible, creou un universo
propio formado por uns personaxes carnavalescos, mitolóxicos, fantásticos, ás
veces incluso deformados, aínda que non esqueceu as representacións de rotundas
maternidades e de retratos, nos que a personalidade do retratado parece saír do lenzo ou do papel, sen
esquecer os seus autorretratos e os debuxos que realizaba nun mantel, nun anaco
de papel ou onde puidese.
Laxeiro, a alma da pintura galega no século XX.
|
|
|
|
Plan
de fuga
Alberto
Lema
Estaleiro
Editora
Xénero:
Poesía
68
p. ; 6 €
|
Alberto
Lema milita na impureza, no centro dun lugar que non é
España. Un lugar onde unha perna tapa a outra. E para
vir a xunta min. E que me dixo o teu pai. A orquestra toca ao
fondo música popular e, sen esconcentrarse, Lema escribe
como un poeta clásico. Porque tivo o bo gusto de elixir
a vangarda para a vida. Miguel Mosquera resumiuno nunha imaxe
afiada: 'épica da experiencia'. Estou de acordo.
(María do Cebreiro).
|
|
|
|
Álbum
de guerra. Canteiros da Terra de Montes no exército popular
da República
Rogelio
Arca Vilas e Dionísio Pereira
Difusora
Xénero:
Recuperación da memoria histórica
72
p. ; 15 €
|
Aqueles vellos negativos que Rogelio puido salvar da derrota
republicana xunto cun diario que apreciaba tanto como a propia vida,
chegaron a nós 70 anos despois, algúns deles moi deteriorados polos
fungos e a humidade, pero conservados dabondo como para dar testemuño
perdurabel do compromiso daqueles traballadores da Terra de Montes
cunha II República que recibiran con grande esperanza e que cumpríu
defender coas armas, arriscando a vida. Hoxe, aos seus 94 anos, mercé á
nunca desmentida lealdade de Rogelio Arca cos ideais liberadores, o
exemplo xeneroso e rebelde daqueles homes de rexa feitura xa formará
parte, pese a quen pese, dos sinais de identidade destas terras dabondo
estragadas polo caciquismo de vella e nova fasquía.
|
|
|
|
Fin
de século en Palestina
Miguel-Anxo
Murado
Galaxia
Xénero:
Narrativa
368
p. ; 18,5
€
|
En 1998 o escritor Miguel Anxo Murado foi a Palestina enviado polas Nacións Unidas.
Permanecería alí cinco anos nos que viviu toda clase de situacións
dramáticas e cómicas: desde representar a Palestina nunha feira
internacional de turismo a presenciar atentados e bombardeos pasando
por ser o portavoz oficial durante a visita do Papa. Fin de século en Palestina
é o relato autobiográfico daquela experiencia persoal na paz e na
guerra, un relato auténtico, tenro, en parte tráxico e mesmo ás veces
humorístico da vida nun país cheo de cor e de violencia.
|
|
|
|
Incertos
Antón
Dobao
Xerais
Xénero:
Narrativa
152 p. ; 15,25 €
|
Estes contos incertos de Antón Dobao apuntan ao
horizonte do que non é predicible. Son trece historias nas que o
extraordinario, o inesperado, acaba por se converter na marca
distintiva dunhas vidas aparentemente normais. Porque nada do aparente
é real e a realidade habita outras dimensións. Nestes relatos, as
personaxes non son apenas monecos nas mans dun fado caprichoso, senón
que tecen a súa vontade, cos seus actos, cos seus desexos e os seus
temores, as encrucilladas en que se verán atrapadas as súas vidas. Para
o lector, o inesperado accede en toda a súa naturalidade, con toda a
crueldade, con absoluta fereza; fai agromar os recantos menos coñecidos
evidenciando o principio de incerteza. Mais sobre todas estas historias
aboia inevitablemente aquilo que nos caracteriza como humanos: a
necesidade de comunicar, de amar, de negar a presenza imperial da
morte. E as múltiples faces do poder. |
|
|
|
Vento
de sal
Xosé
María Álvarez Cáccamo
Galaxia
Xénero:
Poesía
112
p. ; 11,5 €
|
Diálogo de dúas voces en contraste, Vento de sal parte da
procura da memoria íntima para se achegar, desde os instantes
fundacionais do tempo pasado, ao presente dos acontecementos históricos
colectivos.
Xosé María Álvarez Cáccamo realiza o tránsito entre os textos de
verbalización elíptica e crebada, en suxestión de ámbitos oníricos, e
unha modulación de vontade épica, de proxección social e de denuncia.
Unha nova inflexión da súa poética, que constata agora a imposibilidade
de trazar a paisaxe da permanencia, co perenne contrapunto da
transcendencia outorgada polos outros.
|
|
|
|
Na
nosa lyngoage galega
Ana
Isabel Boullón Agrelo [coord.]
USC/Consello
da Cultura Galega
Xénero:
Ensaio
671
p. ; 15 €
|
Nesta obra reúnese unha selección de traballos tendentes a clarificar
as condicións da emerxencia da lingua galega nos textos escritos na
Idade Media. Os enfoques son interdisciplinares, pois fanse non só
desde a lingüística, senón tamén desde outras órbitas necesarias, como
a historia, a paleografía e as condicións culturais. Ademais, están
enmarcados no contexto da Península Ibérica, polo que se ten en conta
tamén a situación dos outros romances peninsulares, pois o ocorrido en
Galicia non foi un feito illado, senón que tivo as súas raíces no seu
contorno europeo. A panorámica global vese completada por estudos
particulares sobre diversos aspectos da situación galega. |
|
|
|
A
lenda de Sleepy Hollow e outros relatos
Washington
Irving
Urco
Editora
Xénero:
Narrativa
196
p. ; 12,95 €
|
Esta
escolma recolle algúns dos títulos máis
coñecidos de Washington Irving, como o xenial Sleepy
Hollow, levado ao cine por Tim Burton, Rip Van Winkle
ou O espectro do noivo.
Todos
os relatos reunidos neste libro teñen o denominador común
de trataren sobre pantasmas, aparecidos e espectors, unha das
temáticas máis socorridas polos autores románticos
como Irving.
|
|
|
