|
Filoxenia
do sangue
Xavier
Paz
Deputación
de Pontevedra
Xénero:
nº
pax. ; €
|
Xavier Paz (A Coruña, 1949) é doutor en Ciencias Biolóxicas e
investigador pesqueiro no Centro Oceanográfico de Vigo, onde reside desde hai
tres décadas. Colaborador en revistas de ciencia, creación literaria e
pensamento crítico, é autor do libro “Follas de bacallau” (2005), no que recolle
a vida a bordo dos pesqueiros de grande altura, e dos poemarios “Sedimentos”
(2001) e “No canto do mar” (2005).
|
|
Intelectuais
marxistas e militantes comunistas en Galicia (1920-2006)
Xesús
Alonso Montero
Xerais
de Galicia
Xénero:
nº
pax. ; €
|
Fálase neste libro de intelectuais galegos que reflexionaron en Galicia desde o
marxismo, algúns deles investigados por primeira vez, e fálase de homes e
mulleres que, antes e despois da Guerra Civil, protagonizaron accións –heroicas
algunhas– contra as malfeituras da sociedade desde postulados e inquedanzas
comunistas. Tamén nestes capítulos hai achegas novas. Nunhas e noutras páxinas,
como é habitual na pedagoxía literaria do profesor Alonso Montero, adúcense e
ofrécense textos reveladores case descoñecidos, ademais dun documento inédito
extraordinariamente significativo, a “acta” orixinal da Iª Asemblea de
intelectuais do PCG (marzo de 1977).
|
|
De
bar en bar
Xosé
Carlos Caneiro
Difusora
de Letras, Artes e Ideas
Xénero:
nº
pax. ; €
|
O
traballo de Xosé Carlos Caneiro nas páxinas de La Voz de Galicia, a
través de columnas en diversas seccións, queda reflectido nesta selección de
artigos publicados orixinalmente entre 2000 e 2006. Reflexións que van desde o
intimista até o político, desde a ficción até a realidade, compoñen esta escolma
do traballo en prensa dun dos escritores fundamentais na nosa literatura.
|
|
Biografía
de María Mariño
Xerardo
Agra Foxo
Editorial
Galaxia
Xénero:
nº
pax. ; €
|
María Mariño (Noia, 1907-Parada do Courel, 1967) chega no ano 1947 a Parada do
Courel, onde coñece ao poeta Uxío Novoneyra, circunstancia que provocará o
xurdimento dunha das voces máis sorprendentes da lírica galega. No ano 1963
publica, cun limiar de Otero Pedrayo, o libro Palabra no tempo, despois
escribirá os poemas que compoñen Verba que comeza (1990), publicado
postumamente.
|
|
Os
pecados capitais
Francisco
Vidal Blanco
Xerais
de Galicia
Xénero:
nº
pax. ; €
|
A soberbia de Andrés, un narcotraficante da ría de Arousa, lévao a asumir riscos
e aventuras que o converten nun home rico, temido e adulado. Pero cando lle
chega a hora da morte, Andrés ten que enfrontarse a todas as pantasmas do seu
pasado, un pasado de maldade no que el sempre era necesariamente o primeiro, sen
importar as formas nin os métodos para conseguilo. Con Andrés, xa no seu leito
de morte, distintas persoas que conviviron con el e que agora agardan o seu
pasamento, van relatando as súas convulsas relacións co narcotraficante e
achegando, cadaquén, o seu particular punto de vista: o curo, a súa criada, o
seu avogado, o seu fillo, o seu amigo Indalecio…, até a agardada confesión do
propio Andrés. El mesmo tamén xulga a todos os que o rodean, arrogante e
fachendoso, pracicamente ás portas da morte. Francisco A. Vidal obtivo con Os
pecados capitais o Premio Terra de Melide 2005. Novela multiperspectivista
(narrada dende o punto de vista de sete personaxes), de lectura engaiolante,
aborda a historia dun home que quere triunfar nun país de emigrantes sen saír da
terra. A fame por medrar conducirao ao contrabando de tabaco e máis tarde ao
“próspero” negocio do narcotráfico. O xurado que outrogou o Premio Terra de
Melide subliñou que o autor conseguiu unha gran profundidade na creación de
Andrés, o personaxe central da novela.
|
|
A
ponte sobre o Drina
Ivo
Andric
Rinoceronte
Editora
Xénero:
nº
pax. ; €
|
Un cativo labrego, arrincado dos brazos da súa nai, queda marcado ao cruzar as
bravas augas dun río. Ese mesmo neno decidirá anos despois erixir unha ponte
naquel lugar, para unir os estremos do imperio que goberna. Unha ponte que marca
a vida das xentes que habitan na súa bisbarra, e que nun mundo inestábel e
axitado é o seu maior e máis prezado tesouro, testemuña das mudanzas dunha terra
asentada entre dúas culturas, en constante e dramática evolución. Un universo de
visires, comerciantes, labregos e soldados rodea a ponte, protagonista muda
desta crónica de 300 anos. A ponte sobre o Drina é un cartafol cheo de
relatos sobre a vida e os costumes do corazón de Europa, dende os comezos do
dominio otom‡á até o estoupido da Primeira Guerra Mundial, con exemplos de
pacífica convivencia entre as relixións e momentos de violencia desapiadada como
fondo.
|
|
Dragona
Xavier
Queipo
Xerais
de Galicia
Xénero:
nº
pax. ; €
|
Na narrativa galega actual, Xavier Queipo é un dos autores que máis gravitan
sobre o eixo Investigación + Desenvolvemento + Innovación Literaria. En Dragona,
preséntanos unha “novela de personaxes”. Nunha cidade sumidoiro, cualificada
polo autor como “A cidade do esteiro”, desenvólvese a vida dunha serie de
personaxes atípicas chegadas dos catro cantos do mundo, que transitan entre a
desesperación e a lubricidade, entre o comportamento fútil e as paixóns máis
primarias. Dragona é unha novela con banda sonora e recreación no terreo se cada
máis inexplorado da narrativa galega, aquel que analiza con precisión de
cirurxián os sentimentos e as paixóns coma se fosen tecidos dun corpo único.
Esta novela marca, para o autor, un antes e un despois na súa procura constante,
na procura do que non se ve, deses lindeiros da incerteza, o que Cortázar
chamaba “o outro lado”. Dragona é unha parábola do futuro que nos espera, que
está aí, que xa chega.
|
|
Viaxes
no scriptorium
Paul
Auster
Editorial
Galaxia
Xénero:
nº
pax. ; €
|
Despois do éxito de Brooklyn Follies, Paul Auster volve cunha novela que
sorprende xa desde o comezo: un home, vello e só, está sentado nun cuarto no que
hai unha ventá e unha porta, unha cama, un escritorio e unha cadeira. Ao
espertar non ten lembranzas, non sabe se pode saír ou non. Arredor del apenas
hai obxectos: unhas fotos vagamente familiares, catro moreas de follas de papel
e etiquetas cunha palabra escrita a man. Velaquí o punto de partida da nova
proposta narrativa do escritor norteamericano.
Nesta novela, Paul Auster
reflexiona, desde a ficción narrativa, sobre as pantasmas da creación, mesmo
incorporando ou rescatando personaxes doutras obras anteriores súas. Unha viaxe
interior que é, ao mesmo tempo, unha esixente proposta de creación, da que fai
cómplice ao lector, que participa no relato case que en pé de igualdade.
|
|
Ratas
en Manhattan
Francisco
Álvarez
Sotelo
Blanco Edicións
Xénero:
nº
pax. ; €
|
Esta
é a cara B do soño americano, a Nova York que
non ven os turistas. Dezaoito relatos que falan do naufraxio
de todos os soños. E da emigración, que o seu
autor padece na propia carne, e na alma.
A morriña,
sen dúbida ningunha. Pero tamén hai máis
cousas: a batalla pola dignidade, o fracaso, as burlas e os
azares do destino, as dentadas da vida que tanto doen.
Un xeito
saudoso de definir a nosa Terra é falar dos emigrantes
e dos náufragos, é sabido. Galiza foi sempre produtora
de afogados e de desterrados. Pero hai naufraxios que non rematan
coa chegada a ningún porto. Estes son os dos protagonistas
de Ratas en Manhattan, heroes correntes cunha identidade invisible,
agachada acotío por mor dos virus que borran a memoria.
Son experiencias que nos levan a un espazo fronteirizo, de loita
pola supervivencia e de busca ilusoria da felicidade.
Nesta
xeografía emocional, da transición entre o apego
e a perda, recoñécese o home no límite
da súa condición humana.
Esta paisaxe,
a da contradición e dos sentimentos mesturados, é
o territorio onde de sitúa Ratas en Manhattan.
Nun fondo
de rañaceos, como nas profundidades do abismo, esta obra
enfía curtos relatos de ficción que ben poderían
ser verdade, historias nas que a vida é un xogo de ruleta
rusa, nas que a loita desapiadada, nun espazo desesperanzado
no cal azoroñan as ratas, supón unha fuxida constante
da morte.
|
|
Retorno
a Iria Flavia
Camilo
José Cela
Alvarellos
Editora
Xénero:
nº
pax. ; €
|
Camilo José Cela, Premio Nobel e xenio universal das Letras, sentíase fondamente
galego, consciente de pertencer a unha cultura singular. Retorno a Iria
Flavia é unha viaxe definitiva de regreso á súa terra. Medio cento de
traballos nos que Galicia é o cerne da súa creación e reflexión –artigos,
ensaios, epistolarios– constitúen esta primeira antoloxía “galega” da súa
obra.
Aparecen agora reunidos por vez primeira nun libro dende o seu su
primeiro artigo, escrito en 1940 e dedicado a Emilia Pardo Bazán, até as
derradeiras columnas publicadas no diario ABC pouco antes do seu
pasamento.
Engádense a estes traballos catro documentos –un deles
inédito– da correspondencia mantida con senlleiros representantes da actividade
política e cultural nacionalista galega de preguerra, algúns dos que traballaban
na súa reactivación nos anos 50: Otero Pedrayo, Vicente Risco, Fernández del
Riego e Celso Emilio Ferreiro.
Como colofón, reprodúcense varios
manuscritos e unha galería gráfica con fotos pouco divulgadas e algunhas
inéditas.
Retorno a Iria Flavia é, en definitiva, unha mostra
patente de sesenta anos continuados de relación fondamente afectiva e mutuamente
enriquecedora entre o escritor e o seu país natal.
|
