|
|
|
|
|
|
|
|
|
|
|
|
Andel de Xuño
|
|
|
|
|
|
|
|
|
|
|
|
|
No andel do mes |
|
|
|
O concello de Celanova durante a Segunda República
|
|
|
|
Dez
|
|
|
|
O burato do inferno
|
|
|
|
A vila das ánimas
|
|
|
|
Xoguetes póstumos / E alentar na túa rosa
|
|
|
|
Os libros prestados
|
|
- |
|
Historia de Ourense
|
|
|
|
Costa Necrópole
|
|
|
|
Pan pros crocodilos
|
|
|
|
Motín na Bounty
|
|
|
|
ANTERIORES |
|
|
|
|
Un longo e tortuoso camiño. Adaptación, crise e cambio no BNG (1971-2009)
Xosé Ramón Quintana Garrido Galaxia Xénero: Ensaio 412 p. ; 29 € |
O libro de Quintana Garrido é un ensaio interpretativo sobre o nacionalismo galego contemporáneo centrado no Bloque Nacionalista Galego (BNG), desde a primeira formulación da idea de fronte patriótica até hoxe mesmo. En base a unha ampla variedade de fontes documentais e cun enfoque aberto orientado pola historia do tempo presente e pola ciencia política, Un longo e tortuoso camiño expón como, desde unha posición precarizada e tendencialmente marxinal, o nacionalismo foi quen de construír unha organización, o BNG, coa que ir remontando dificultades até se converter nunha forza política "que importa". Segundo a análise de Quintana Garrido, desde finais dos anos oitenta o BNG tivo que emprender un longo e tortuoso camiño de adaptación e de cambio estratéxico e organizacional. Non sen contradicións e crises internas, o resultado foi pasar dunha inicial posición radical e antisistema a abrazar posturas máis moderadas e centradas coas que maximizar votos, cargos e políticas. Con todo, tales cambios están suxeitos hoxe en día a unha incerta revisión por mor da derrota electoral de marzo de 2009. O BNG encóntrase na actualidade nunha encrucillada crítica na que ten por resolver tres problemas complexos e ensarillados: de liderato, de discurso e proxecto, e de organización. De como se solventen vai depender o seu futuro: retroceder, recuperar posicións ou mesmo avanzar. Premio Ramón Piñeiro de Ensaio 2008.
|
|
|
|
|
|
|
|
Rubaiyat
POmar Khayyam [Trad. de Correa Corredoira] Baía Xénero: Poesía 104 p. ; 12 € |
As Rubaiyat trataban dun pracer destemido, dun dionisismo que falaba coa morte con naturalidade e concisión, economía da sintaxe: poemas de mocidade, transgresores, de gozo do viño, tabernarios, do paso do tempo, da natureza (no xardín), de amor erótico, de desamor, do ciclo pracer e dor, relación de opostos, da vaidade, teolóxicos, das aparencias, crítica das institucións (en especial da relixiosa), do pasar dos camiñantes pola paisaxe, dos perigos do camiño, da soidade, dos libros, do rodar de vida e morte (no torno do oleiro), da identidade co mundo e de todo con todo, do pasaxeiro, da confusión, da necidade, o destino, a amizade, a humildade e a compaixón, da natureza da morte, da vellez, da derrota, das estrelas, do desexo... Todo un repertorio.
|
|
|
|
|
|
|
|
A intervención
Teresa Moure Xerais Xénero: Narrativa 288 p. ; 16,50 € |
Un pianista retirado, unha dermatóloga, o fillo
desta, estudante universitario, e mais unha das súas profesoras na
facultade de Historia reúnense para constituíren un comando artístico. O
seu obxectivo é levar a cabo unha performance un tanto particular, a
medio camiño entre a creación estética e a toma de conciencia política.
Instalados ao pé das montañas do Courel, este grupo de rebeldes pretende
sensibilizar a cidadanía cunha intervención que enlace arte e natureza.
Mentres levan a cabo o seu escrupuloso plano, a chegada inesperada
dunha nova personaxe, unha psiquiatra vienesa, obrígaos a rexistrar por
escrito as súas actividades clandestinas. Desde a múltipla perspectiva
que emana dos seus diarios, os membros do grupo van dando as súas
respectivas versións, que conforman unha historia colectiva, e que
conectan a paixón creativa co pasado remoto de cadaquén, coa súa
infancia e cos seus medos máis agochados. Porque a arte é unha das
formas da loucura.
|
|
|
|
|
|
|
|
Memorias dunha viaxe improvisada. De Betanzos a Napoles en 1899
Rogelio Borondo Morgante Xénero: Biografía 149 p. ; 12 € |
O ano 1900 a imprenta betanceira Sucesores de Castañeira publicaba unha orixinal obra titulada Memorias de un viaje improvisado. Nas súas páxinas narrábase, apenas 26 anos despois de que se publicase por primeira vez A volta ó mundo en 80 días, de Verne, a viaxe que en 1899 emprendera o autor do libro. Emulando a Phileas Fogg, Rogelio Borondo partira canda dous amigos cara a Francia, Suíza e Italia nunha viaxe que se fixara na mesma véspera da súa saída, tal como se declara no prólogo. Aínda que o autor reclama a benevolencia dos lectores e lles pide que non busquen no texto un elevado estilo literario, o relato resulta fascinante ó presentar ante os nosos ollos a experiencia dun viaxeiro galego de hai máis de cen anos. Rogelio Borondo (1864-1935) foi un betanceiro emprendedor que emigrou á Arxentina a finais do século XIX. Alí, ademais de facer unha fortuna que lle permitiu vivir de rendas ó seu regreso, coñeceu os irmáns García Naveira, betanceiros de prol ós que se debe o Parque do Pasatempo. Con eles compartiría o narrador e protagonista deste libro a súa Viaxe improvisada. Grazas a esta amizade entre os Naveira e Borondo, este vonverteríase no primeiro tesoureiro do Padroado que agrupaba os bens dos benefactores betanceiros na emigración.
|
|
|
|
|
|
|
|
Flores de Dunsinane
Manuel Lourenzo Xerais Xénero: Teatro 48 p. ; 12,50 €
|
Flores de Dunsinane é unha fermosa peza sobre a conciencia humana inspirada nun clásico: o Macbeth de Shakespeare. O protagonista é o fillo dun dos compañeiros de armas de Macbeth, a quen este mandara asasinar. Grazas á súa astucia, chega a rei de Escocia para, finalmente, vello e moribundo, recibir a visita dos seus antecesores, os Macbeth, cos que revive o seu sanguento reinado. En Flores de Dunsinane destaca o emprego dunha linguaxe rica, poética e expresiva dramaticamente, segundo salientou o xurado, e ofrece novas luces dos personaxes na súa reinterpretación do Macbeth. Premio Álvaro Cunqueiro para Textos Teatrais 2009
|
|
|
|
|
|
|
|
Tres cores: Azul
Moncho Iglesias Míguez Estaleiro Xénero: Narrativa 208 p. ; 8 € |
Tres cores: azul é a primeira novela do vigués Moncho Iglesias. Escrita en segunda persoa, Tres cores: azul leva ao lector a dúas viaxes diferentes. A primeira, na procura dun algo, dun espazo, dun tempo. A segunda, a busca dese alguén que trataba de acadar iso aínda por achar. Rematando a novela cunha conclusión alquimística sobre o visto e o que queda por ver.
|
|
|
|
|
|
|
|
Abelcebú
Carlos Negro Positivas Xénero: Diferente 304 p. ; 18 € |
É este Abelcebú un tratado científico de escarnio e maldicir, un escalpelo humorístico que disecciona as trampas dos poderes oficiais, unha intervención cirúrxica a corazon aberto onde operan a un tempo o bisturí da ironía e a dinamita do sarcasmo. É o Abelcebú unha enciclopedia dos saberes do Demo, unha lupa grotesca que nos desvela as vergoñas do mundo, e lle dá volta ás nosas crenzas e prexuízos como calcetíns que se botan ao cesto da roupa suxa. É o Abelcebú un cuspe de pallaso, un carrusel conceptual onde o escritor fai burla do universo, e de si mesmo, sempre na procura dun sorriso oblicuo, facturado entre o lirismo e a amargura. Abelcebú: un peido diabólico na parte traseira do sistema literario.
|
|
|
|
|
|
|
|
O clamor da rebeldía. Rosalía de Castro: ensaio e feminismo
María Pilar García Negro Sotelo Blanco Xénero: Ensaio 122 p. ; 12 €
|
Rosalía de Castro (1837-1885) é a escritora que inaugura o ensaio, como xénero literario, na literatura galega contemporánea. Así o certifican as súas introducións a Cantares gallegos (1863) e a Follas novas (1880), que son moito máis do que prólogos ao uso. Tal innovación reforza o carácter profundamente intelectual e premeditado dunha obra literaria que se pensa e se explica a si mesma e que a autora coloca a pé feito ao servizo da patria galega e da lingua galega. Igualmente brilla o seu papel pioneiro no espertar dunha conciencia de xénero que se revela, lúcida e recorrente, na reflexión profunda e avanzada sobre o ser muller, a apoloxía das súas conxéneres e a solidariedade coas duplas vítimas do sistema, por mulleres e por galegas. É, sen dúbida, a primeira feminista da nación galega.Son elocuentes, personalidade e obra, dunha sintonía non casual: a que eleva a lingua abaixada do seu pobo, en alianza coa defensa das mulleres e da nación mesma. Expresará como ningún outro autor do seu tempo a apoteose da subordinación e, asemade, o clamor da rebeldía. Premio Vicente Risco de Ciencias Sociais 2010.
|
|
|
|
|
|
|
|
A lei das ánimas. A novela da Santa Compaña
Carlos G. Reigosa Galaxia Xénero: Narrativa 224 p. ; 16 € |
O detective Nivardo Castro e o xornalista Carlos Conde son testemuñas abraiadas dunha pescuda apaixonante e misteriosa. Un caso de características especiais: uns crimes que mobilizan simultaneamente a forza pública e as ánimas da Santa Compaña nunha atmosfera de superstición que enche de verosimilitude toda a trama. En A lei das ánimas, Carlos G. Reigosa desenvolve unha intriga singular que incorpora a tradición popular á novela, na liña de Torrente Ballester e Cunqueiro.
|
|
|
|
|
|
|
|
50 anos de pop, rock e malditismo na música galega
Fernando Fernández Rego Toxosoutos Xénero: Ensaio p. + 2 CD ; 25 €
|
Primeiro libro que recompila o mellor do pop-rock galego desde a súa alborada. Percorrido pola historia dos grupos musicais galegos desde Os Tamara ata os máis recentes. O traballo reúne a discografía completa con enriquecedores comentarios e anécdotas. Un doble CD acompaña o texto dando a posibilidade ao lector de escoitar algúns dos temas fundamentais do xénero.
|
|
|
