|
No
Pazo de Laiovento. Conversas con Francisco Pillado Maior
Xosé
Luna Sanmartín
Espiral
Maior
Xénero:
Conversas
340
p. ; 19 €
|
Xosé
Luna conversa cun home fundamental na historia do teatro e da
cultura galega contemporánea. Unha perspectiva vital
e intelectual que traza un completo perfil do Francisco Pillado
profesor, creador de espazos culturais e teatrais, escritor
e editor.
Libro
de lectura áxil e amena. Unha obra, en moitos sentidos,
esclarecedora.
|
|
O
adeus do vello mariñeiro
X.
H. Rivadulla Corcón
Xerais
de Galicia
Xénero:
Poesía
80
p. ; 12.5 €
|
Os mares destes versos son para navegalos en
gamela. A gamela do vello mariñeiro, aquel que teceu a súa vida sobre o
salgado. A poética de O adeus do vello mariñeiro está surcada polas
mulleres e os homes do mar, por esas persoas que foron construíndo unha
cultura, un xeito de entender a vida, coas súas vivencias, a súa
linguaxe, os seus fogares, as súas ferramentas, os seus labores. Xa que
logo, X.H. Rivadulla Corcón olla cara ese mar que foi escrito e
reescrito, reiterada e teimudamente, polos mariñeiros desde antigo,
pola forza do seu traballo. Onda eles, foi faenar estes versos.
|
|
Así
nacen as baleas
Anxos
Sumai
Galaxia
Xénero:
Narrativa
164
p. ; 12 €
|
Así nacen as baleas conta a historia dunha liberación e, ao
tempo, a viaxe de volta dunha muller nova á casa, á familia e ao
pasado. Sentimentos, paixóns, condicionantes sociais e vivencias
estouran a través dunha linguaxe renacida, cunha maneira de narrar que
descobre o mundo cos ollos novos de quen quere vivir nel de xeito
diferente.
Así
nacen as baleas foi Premio de Narrativa Breve Repsol YPF 2007
|
|
Fomos
ficando sós o mar o barco e máis nós
V.V.A.A.
Difusora
Xénero:
Fotografía
176
p. ; 20 €
|
Hai cinco anos, unha negra historia escrita con chapapote negro, de
negras omisións e enredos negros, agrediu Galiza cinguíndoa de loito
rigoroso.
Até que a cidadanía dixo «nunca máis», e tomou o control.
A
solidariedade cidadá truncou a negrura e a transmutou na historia máis
fermosa imaxinabel: dende a retagarda da cociña e o bocadillo, a da
loxística, a dos útiles e inventos urxentes de limpeza ou os coidados
sanitarios até a primeira liña de acción, loitando a brazo partido a pé
de chapapote, dende os barcos ou en terra, decenas de milleiros de
voluntarias e voluntarios sistemática e teimudamente fan retroceder a
catástrofe: lenta pero inexorabelmente vencen. Sen institucións, a
Nación funcionou.
Este libro é
unha homenaxe a todas elas, a todos eles, a todos Nós. Construído coa
«ollada» de dez fotógrafos e fotógrafas que tamén dixeron «nunca máis»
e quixeron deixar testemuña desta acción colectiva heroica en que
participaron activamente.
|
|
Cuspirei
sobre as vosas tumbas
Boris
Vian [trad. de David Gippini]
Faktoria
K de Libros
Xénero:
Narrativa
144
p. ; 13 €
|
Da
miña maleta, mellor nin falar. Total, para o que había
dentro. Esquecíao: tiña tamén no cofre
do coche o pequeno revólver do rapaz, un triste 6,35
de ocasión; aínda o levaba no peto cando o shériff
veu dicirnos que levaramos o corpo á casa para enterralo.
O relato da cruel vinganza contra unha sociedade
opresora, excluínte e marxinadora cos individuos doutras
razas, aos que considera inferiores. Seguindo un plan premeditado,
o protagonista participará en orxías onde o sexo e
a violencia son a reacción de rebeldía ás convencións
morais da época.
A súa publicación, baixo pseudónimo,
estivo marcada polo escándalo que aínda hoxe acompaña
a súa lectura, non recomendada para menores de 18 anos.
|
|
Cancionero
Gallego
Eduardo
Martínez Torner e Jesús Bal y Gay [ed. crítica
de Carlos Villanueva]
Fundación
Pedro Barrié de la Maza
Xénero:
Música
607
p. ; 33
€
|
Con
motivo de su 40 aniversario, la Fundación Pedro Barrié de la Maza ha
reeditado el Cancionero gallego, de Eduardo Martínez Torner y Jesús Bal
y
Gay, una de las obras clave y de máximo interés para el conocimiento y
la comprensión del regeneracionismo gallego del primer tercio del siglo
XX, y a cuyo conocimiento y divulgación quiere contribuir la Fundación.
El catedrático de Música Carlos Villanueva es el autor del estudio
científico que precede la reedición del cancionero. El Cancionero
Gallego supuso un importante trabajo de investigación y
recopilación, por parte del musicólogo Jesús Bal y Gay en colaboración
con el investigador asturiano Eduardo Martínez Torner.
|
|
As
palabras da néboa
Francisco
Castro
Galaxia
Xénero:Narrativa
306
p. ; 19 €
|
Esta é unha novela sobre a liberdade. E sobre os soños. Dos homes e dos pobos. As palabras da néboa
é unha historia sobre tres destinos. Un aventureiro que volve do Novo
Mundo; un señor feudal derrotado; unha muller libre que cambia a
realidade só coa palabra. Maxia, libros prohibidos e unha revolta
campesiña na Galicia do século XVI forman o pano de fondo no que
Francisco Castro sitúa un relato de guerras, meigallos, violencia e
épica colectiva. Unha historia sobre o dereito á utopía.
As
palabras da néboa foi Premio Manuel García
Barros 2007
|
|
Poemas
Canónicos
Konstantinos
Kavafis
Rinoceronte
Editora
Xénero:
Poesía
184
p. ; 18.50 €
|
Konstantinos Petrou Kavafis naceu e morreu en Alexandría (Exipto),
cidade da que só se ausentou durante dúas estancias en Inglaterra e en
Constantinopla. Visitou Grecia só en dúas ocasións, mais Grecia foi, de certo, a patria do seu corazón, e o grego, a súa lingua poética.
A súa poesía fala de sentimentos, de amor prohibido, de amor non
correspondido, de amor á beleza, da beleza mesma, da vida e da morte e
do medo a ambas. Todo isto nun contexto social e urbano que reflicte a
decadencia de Asia en Europa en cada poema coma se fose unha postal: un
presente subxugado fronte a un pasado glorioso. Ademais, en cada postal
está presente a súa preocupación polo mundano: o diñeiro, o desexo de
fuxir da rutina gris e o paso do tempo e a perda da xuventude... Todo
isto, omnipresente na súa vida.
Os poemas que compoñen
esta edición son os chamados “poemas canónicos”: os que pertencen á
escolma que fixo en vida o poeta, seguindo o seu gusto e baseándose nos
seus propios canons de perfección e calidade.
|
|
Guía
das embarcacións tradicionais galegas
Jesús
Blanco
Nigra
Trea
Xénero:
Divulgación
144
p. ; 25 €
|
O propósito da Guía de embarcacións tradicionais galegas
é contribuír a achegar a cultura marítima galega tradicional ao público
non especializado. O seu contido céntrase nas embarcacións, expoñendo
cunha linguaxe sinxela e comprensible os rasgos característicos de cada
unha delas. Tratamos de resaltar os elementos identificadores que
permitan ao lector recoñecelas e apreciar os seus detalles
construtivos, así como as particularidades do seu aparello e da súa
manobra. Para cada embarcación amósase a súa relación con outros tipos
de embarcacións e as principais funcións que realizaba. Do mesmo xeito,
exponse a súa orixe e desenvolvemento históricos, na medida en que
sexan coñecidos. Así mesmo, describimos tamén as diferentes variantes
que moitas embarcacións presentan, según as diferentes actividades ás
que eran destinadas ou a zona na que eran empregadas.
Dado que vai dirixida a un público non especializado, introducese
información sobre temas xerais da náutica que resultan básicos á hora
de falar de navegación e, especialmente, de navegación a vela. Todo
isto orientase a facilitarlle ao lector a comprensión dunha serie de
embarcacións cuxo aspecto e manexo moi son distintos dos que presentan
as actuais.
|
|
Profundidade
de campo
Yolanda
Castaño
Espiral
Maior
Xénero:
Poesía
64
p. ; 13 €
|
Poemario
que profunda no conflito da imaxe persoal. Esa que se vai construíndo
sobre nós, a que o espello e os demáis nos devolven.
O que as apariencias revelan, o que agachan, o que menten sobre
nós. A muller vivida xa non como obxecto de contido senón
coma suxeito, en primeira persoa, acugulante de clarescuros
e campo aboado para os prexuízos. Unha problemática
do mundo real analizada con modernidade e audacia neste libro
que non compracerá aos políticamente correctos.
Profundidade
de campo foi Premio Espiral Maior 2007.
|
